مد اليمين وصافح الكف بالكف = عطني العهد وأعطيك صدق المواثيق
ثنتين بالدنيا ترى مايجن صف ؟ = فعل الردى والطيب بين المخاليق

لا تشتكي للناس والجرح مدفون = حذراك عن كل الوجيه القبيحه
السر خله وسط الاضلاع مكنون = خلك بطل والداب تسمع فحيحه
من عذرّب الوافين شيطان ملعون = ملعون راع التفرقه والفضيحه
ومن رافق الابطال مايقبل الهون = يموت مايرجي كفوفٍ شحيحه
ومن يسمع الواشين يصير مديون = عند الرجال اللي تحب النصيحه
بس الوكاد وزبدة القول مضمون ؟ = الروح من شرهاتهم مستريحه
العاقل اللي مطلّق أيديه مسجون = في عالمه عايش حياةٍ مريحه
لو قالوا انه صايب الراي مجنون = حكمة قديمة للرجال الفليحه
مثل الجبل ماهزه الريح تدرون = (منصور نايف) والعباره صريحه
راس الشمالي عادته مانزل دون = فوق الجبال النايفات البديحه
لا ذعذع الهاجس مضامين ولحون = على بياض الطرس لون القريحه
أسرجت خيل الشعر باعماق مفتون = مثل الزلال العذب شهده وريحه
يوم أشتعل في خافقي نار غليون = صديت عن كذب الكلام وصحيحه
زبنت ربي خالق الناس والكون = سبحانه اللي مايخلي نطيحه
عندي قناعه والعهد درع وحصون = لا غابوا الغالين نفسي سميحه
ماهمني لو كل أبوهم يعذلون = الراس شامخ والاراضي فسيحه
أصد عن دمعة يتيمٍ ومحزون = وأشوم عن شوف النمور الجريحه
الطعنه اللي بالخفا رمح مسنون = بيدين صاحب ياعسى الله يبيحه
غلطه ولكن مالها أسباب وظنون = مدلولها عند العقول الرجيحه
مرت ثمان سنين والقلب مطعون = الجرح ينزف والهقاوي طريحه
لاجيت أسلّي خاطري هم وشجون = رؤس الافاعي بالخزى مستريحه
قصة مسلسل والبطل هام بعيون = عيون عمياء والاماني ذبيحه
مليت من ناسٍ هدفهم يعرفون = من فعلهم غاياتهم مستبيحه
الذيب يقنب ونبحة الكلب بالهون = لاقفى قوّي الباس يبدى نبيحه
راع الردى في نيته طاح مرهون = غره زمانه ماسمع للنصيحه
أهل النمايم نظرة عيونهم دون = على المهونه والنفوس الشفيحه
وأن جارت الايام وأصبحت مغبون =إبعد عن النمام يرخص مديحه