|
....\ يا يا يا زمن مَجنون ضآيع ،!
: (1) نبض المدامع نبض ..! نبض الشوارع نبض .. ويا أرض : ما أنتي الـ مشكله ، المشكله بالنبض ،، المشكلة بالحُب ، ذاك اللي تجاوزنا .. سمو .. وفض ..! والمشكله فينا .. رشفنا نشوته نزوات ، وتخيرنا عليه الـ "بغض" ، ورغم الدفا .. واللحظه اللي تحتوينا .. مادفينا ، ولاعرفنا بعض ..! ظهورنا لظهورنا تضحك علينا .. وظل صدورنا فاضي .. وضيق صدورنا مكتظ !! وإن زانت الدنيا بعين إنسان مناع .. تمتحنا الذات تلعنا .. وحنا نقلب الميله ليه ، !! ونشكي هـ الحظ .. وإن قامت الدنيا تعلمنا ( الصبر ) ،!! ثرنا عليها .. وإنكسر فينا الظهر .. وإرتكبنا رفض ...! وفي تاليتنا ننتهي .. في دورنا . أو في بيوت القرض . والأرض ماهي المشكلة .. المشكله بـ هالنبض ..! والنبض يبقى للشوارع .. والشوارع تحتملنا نبض .. (2) الـ طمع فينا تربى بحسن نيه ,,! والأنانيه ونكران المحيط .. بحسن نيه .!! وكل أبو الاخطاء كانت .. بأسخف نعوت الـ تنصل ...... " مطبعيه " .! ليه مافقنا وشفنا من ورانا ..؟! ........ من معانا !؟ من يشاركنا سمانا . ليه ماكلٍ تفقد ساعة الشدة خوووويه ؟! بس حنا الأذكياء في هالزمان ..! وباقي العالم ( غبيه ) ...! ......... مستحيل عيبنا .. إنا نسينا عيوبنا .. وإنشغلنا فـ فراغ قلوبنا .. وجيوبنا .. وصار الجفا محبوبنا .. أما الوفا ..! ضيف ثقيل ،! أو شي إسمه إلتزام .. أو فرض ...! والارض أبد ماهي المشكله .. المشكله بالنبض !! والنبض يبقى للشوارع .. والشوارع تحتملنا نبض ..! (3) اللي رسم سحناتنا فوق النهر .. فعلاً غلبنا ..!! حطنا بالإمتحان السهل .. لكنا رسبنا .. وإرث عرقوب إنقسم مابيننا بالقسط .. وصرنا قاسطين .. خدرتنا نشوة الذات وغفينا في حلوم .. والـ (أنا) .... صارت لنا ..! ولغيرنا ماهي لزوم .. وغيبتنا شوفة الـ نفس وغدينا بها .. من يفرط بـ الصديق بهالزمن ... غير الصديق ؟ ومن يفرط بالرفيق بهالزمن ... غير الرفيق ؟ يازمن مجنون ضايع .. مالقينا به طريق .. ولاعبرنا به ممر!! هو صحيح إنا بشر !!! واللي تحتنا أرض ... الارض ماهي المشكله ... الـ مشكله هنا .... هنا ... هنا ... ( بالنبض ) ... |
غربه وترحال يعطيك الف الف عافيه
على هالطرح الرائع وروعته من روعت صاحبه دائما مميز تقبل مروري ولك مني كل التحيه |
:
ياهلابك أختي ، حياك الله ،، ويعطيك الف عافيه .. أحترامي |
اقتباس:
غربه وترحال مهما تكلمت عن هذا النص وعن ذائقتك الراقيه يخونني التعبير ولا اجد نفسي الا ان اقول لقد تشرفت بمروري هينا ويعطيك الف عافيه تقبل مروري تحياتي بخالص الود والاحترام |
:
: ياهلا فيك اخوي عقاب ، حياك الله وسعيد بتواجدك العطر ،، تواجدك وحضورك على راسي والله ،، ماننحرم يالطيب ،، تقبل أحترامي وتقديري |
| الساعة الآن 10:45PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية