أهل الركايب
يأهل الركايب سايجات المحاقيب = عوص النضا الطفقات شهب الغوارب بنات شقران الفحل شمّخً نيب = فيهن لقطّاع الفيافي مآرب بأخفافهن يوم استقلّن جناديب = يقدح حصا الصلبوخ قدح الكهارب بنحورهن يطون فجوج العباعيب = على سراب القيض مثل القوارب انتم لمثلي يالنشامى مناديب = قولو لحيًّ في هذيك المضارب داعيك ساري ليل يلعب به الريب = والدرب تكثر به جحور العقارب هموم بقعا حول قلبي محاضيب = والكيف من كثر الصواديف خارب اصبر على الرمضا و حر اللواهيب = لعلّي اظفر بأستراحة محارب ان جيت للمجلس ولا فيه ترحيب = اشوم عنه و وجه راعيه تارب بانت خفايا الوقت والمخطي مصيب = يكفي عن الهرج الكثير التجارب من كثّر الاعذار دون المواجيب = يلبس ثياب اللوم واللوم ذارب والثعلب الماكر خذا مركز الذيب = والذيب عن بعض المشاريه هارب من رافق الصاحي ترفّع عن العيب = و من رافق الاجرب بلا شك جارب شكواك للي ما يسرّك ولا يثيب = دمعة يتيماً بين ظلاّم اقارب يامدّعين الطيب ما حولكم طيب = ان كان ما توفون فتل الشوارب |
صح لسـانك أخوي عبدالله
والله يعطيك العافية على هذه الأبيات كفّيت ووفّيت .. ونسجت لنا درر وحكم .. لافض فوك . |
الغالي
الشاعر عبدالله بن فضلي الشمري \الله انه يسعدك ويوفقك لمافيه الخير اسعدني مروري وان اكون ضمن المصافحين لقصيدتك الرائعه بسبكها وما تحمله من معنى عن تجربه جعلتنا نستقي ماورد بها من تصوير كفو ياعبدالله شاعر متمكن وصغت وابدعت وصح لسانك وعلا شانك لاهنت تقبل تحياتي |
عبدالله المفضلي
الله واكبر رااائع بكل حرف كتبته تجربه شعريه لا تضاها استمتعت بقرائة ما كتبت لك ودي وتقديري كن بخير |
اقتباس:
الاخت جمرة العرب تسلمين لا هنتي مشكوره على المرور العطر تحياتي لك |
اقتباس:
استاذنا القدير سفير المعاني اشكرك على المرور الجميل تحياتي |
عبدالله المفضلي
صح لسانك ولا هنت يالقرم والله يبعد عنا و عنك ضيقة الصدر دمت بخير |
اقتباس:
الاخ عبدالعزيز الشلوه ماعليك زود لاهنت اشكر لك مرورك الر ائع دمت كما تحب |
الشاعر المبدع
عبدالله المفضلي صح لساانك من هنا لهناك يعطيك الف عافيه عالقصيده الجزله احترامي لك . الجموح |
ذيب الشمال صيدته دايم سمينه
وقد اتيت بها واسمتعنا خالص تقديري لك |
الساعة الآن 02:08AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية