لوعة الفرقا
من قديمي القريب
دن الفـراق وداخـل القلـب دن دنّ = وطوتني الايـام فـي مرهـا طـيّ الشـوق واللهفـه وذكـراك يربـن = في قلبي اللي منكوي بالهـوى كـيّ زود المواجع خلـت الصبـر منجـن = وخلت حياتي مظلمـه مابهـا ضـيّ قلبي اسـره الهـم للحـزن اذعـن = تايه بعد فرقـاك مـن دنيتـه عـيّ اذا ذكرتـك ارفـع الـصـوت واون = يللي حياتي دون شوفـك ولا شـيّ كني بصحـراء تايـه بـأول السـن = لا ام وحـدانـي ولا اب لا خـــيّ اهات قلبي فـوق راسـي يحومـن = وانـا ادور بيـن كثبانـهـا مــيّ مره اصيح وكن فـي داخلـي جـن = ومره انوح وكن مافي البشـر حـيّ هايم بعد فرقـاك مـدري انـا مـن = كنـي يتيـم فـاقـد الام والـبـيّ ويلاه يامـن بعدهـا اليـوم يغبـن = ويلاه يامن تروي الـروح بـي ريّ ياللي عطيتي للفرح ضحكت السـن = واللي عطيتي للمحبه سنـا الضـيّ من لوعة الفرقـا مشتـت ومحـزن = انت الفرح والحـب والمـاء والفـيّ هذا الزمن بسيوف الاشواق يطعـن = في قلب من حبك ولا تسمعي ال...ايّ يا صاحبي لد النظـر فـيّ وامعـن = كيف المواجع تلوي القلب بـي لـيّ اعلن حروبي ضـد فرقـاك واشـن = وا رجعك يـا منيـة القلـب بيـدَيّ يا خل وان قفيـت لشتـاق واحـن = واخلص لك الاحساس ما دامني حيّ وسلامتكم عبد العزيز الزهراني |
واخلص لك الإحساس مادامني حي
الله عليك ياعبدالعزيز استمتعت بقرائتها صح بوحك ولاهنت تحياتي.. |
الشاعر
عبدالعزيز الزهراني نزف من الفرقا في بوحك مؤلم الله لا يحرمك غاليك دمت بخير |
اقتباس:
صح بدنك ولا هنت تحياتي وتقديري |
الشاعر عبدالعزيز الزهراني الله انه يسعدك ويوفقك لمافيه الخير اسعدني مروري على متصفحك ومصافحة هذه القصيده والاجمل من جميله والرائعه بحضورك وصح لسانك وعلا شانك لاهنت تقبل تحياتي |
صح السانك لاهنت
|
زمان العجايبب
امين يا رب الف شكر على المرور الندي تحياتي |
اقتباس:
عبد العزيز الزهراني سلمت ولا ندمت وصح لسانك وعلى شانك قصيدة مشبعه رغم الم الفراق الا ان الفراق زائر ينتظرنا على الطريق دمت بخير في حفظ الله ورعايته |
هايم بعد فرقـاك مـدري انـا مـن...كنـي يتيـم فـاقـد الام والـبـيّ هايم بعد فرقـاك مـدري انـا مـن...كنـي يتيـم فـاقـد الام والـبـيّ هايم بعد فرقـاك مـدري انـا مـن...كنـي يتيـم فـاقـد الام والـبـيّ هو الحب بتمكن من تجريدنا من أنفسنا لنجهل من نحن ويتمكن من تسليط الضوء على شعور يحتاج لأب وأم في شخصٍ واحد وحينها نقول له يتيم الحب.. الشاعر القدير : عبدالرحمن الزهراني.. سلم بنانك وسلم بوحك.. تمنياتي لك بالتوفيق.. تحياتي |
الساعة الآن 01:28AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية