|
++++ ( زمـان الـعشق ) ++++
السلام عليكم ورحمة الله وبركاته قصيده اهديها قلوبكم العطره كي تشفع لي غيابي : : رعا الله زمان العشق في جامعة كيفان=زمانٍ رسمنا بالهوى داخله صوره رعا الله زمان الود و الورد و الريحان=زمان جعلنا من حكاياته إسطوره يومن المواصل مزنتن تنثر الودان= وتحيى بأثرها كل حِبن من جذوره عشقنا على وضح النقا و الوفا برهان =و مركب هوانا يرسي بـ لجة بحوره عزفنا على أوتار الغلا و الغرام ألحان=صداها ملا الأفاق .. في كل معموره هلا بك هنا في القلب يا قايد الغزلان= تبختر ببستان الصدر و أقطف زهوره هلا بك بوسط الروح .. و العين .. و الشريان =هلا وانت شعر سعود ومهيض شعوره أنا و أنت يا صدق الغلا للهوى عنوان = رضينا بشرعه و احتكمنا لدستوره من أول زمان الوصل لآخر مدى الهجران = سراج المحبه يشتعل ما خفت نوره عسى الله يسامح من فرض موعد الأحزان= حكم و الحكم يعكس لنا ظلمه و جوره حداني لدرب البعد .. و مفارق الخلان =و جدد جروح في المعاليق مستوره لك الله يا أول من سكن داخل الوجدان = فراقك صعيب .. و نفس مغليك مكسوره عيوني بعد فرقاك تتجرع الحرمان=ترقب خيالك وان حضر حيّت حضوره سلامي لسجن البعد يا حضرة السجان =و سلامي لروح تدخل السجن مجبوره و سلامي لمنفى الحزن .. و مواجه النسيان= و سلامي لأحاسيسن على الكبت مأسوره أبأكتب بدم القلب بيتن على الجدران = و يبقى على مر التواريخ اسطوره ليا صرت حي و ودك بلبسة الأكفان = فجرب تعيش الحب و تساير شعوره : : وسلامتكم |
ليـا صـرت حـي و ودك بلبسـة الأكفـان فجـرب تعيـش الحـب و تسايـر شعـوره بوح ولا أروع سعود الرويس دمت بخير |
يوم ان المواصل مزنة ٍ تنثر الودان_وتحيي باثرها كل حب ٍ من جذوره
ومزون الشعر هلت هنا وارتوت منها صحاري القلوب المجدبه سعود / صح بوحك ولاهنت تحياتي.. |
هلا والله يابوناهض
صح لسانك وكالعاده مبدع قصيده اعجبتني كثيراً تحياتي |
الغالي
الشاعر سعود ناهض الرويس الله انه يسعدك ويوفقك لمافيه الخير اسعدني مروري على متصفحك ومصافحة هذه القصيده العذبه والاجمل من جميله رائعه من رائع وصح لسانك وعلا شانك مليون ولا يكفون تقبل تحياتي |
هلا بك هنا فـي القلـب يـا قايـد الغـزلان تبختر ببستـان الصـدر و أقطـف زهـوره هلا بك بوسط الروح .. و العين .. و الشريان هلا وانت شعـر سعـود ومهيـض شعـوره أنا و أنت يـا صـدق الغـلا للهوى عنـوان رضينـا بشرعـه و احتكمـنـا لدسـتـوره من أول زمان الوصل لآخر مـدى الهجـران سـراج المحبـه يشتعـل مـا خفـت نـوره عسى الله يسامح من فرض موعد الأحـزان حكم و الحكم يعكـس لنـا ظلمـه و جـوره حداني لـدرب البعـد .. و مفـارق الخـلان و جـدد جـروح فـي المعاليـق مستـوره لك الله يا أول مـن سكـن داخـل الوجـدان فراقك صعيب .. و نفـس مغليـك مكسـوره عيونـي بعـد فرقـاك تتجـرع الحـرمـان ترقب خيالـك وان حضـر حيّـت حضـوره صح ألسانك ،،يا سعود شاعر مميز ،، وحضور رائع ،، تقبل تحياتي ،، :) |
صح لسانك ياسعود
|
صح السانك لاهنت
|
صح لسانك واحساسك
الشاعر القدير سعود الرويس ننتظر جديدك ومميزك تحياتي |
| الساعة الآن 08:28PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية