يا مسافر كان عزمت السفر لأرض بعيده = لا ينسّيك السفر قلبٍ من الفرقا ينادي
ويش أبلقى من غيابك يا غنا القلب و رصيده = غير هم و غير غم و غير جرح في فؤادي
يا حكايات الغرام اللي بدايتها سعيده =احتوت صدق الغلا و ازدانت بحفظ المبادي
يا سحابة حبي اللي بالوصل ما هي زهيده = تمطر بصدرى غلا ويفيض بعده كل وادي
يا مشاعر شاعرٍٍ يجري غرامك في وريده=فرحته قربك .. وحزنه كان عزّمت البعادي
ليه تتركني لحزن .. كبّل الفرحه بقيده=و ليه تمنحني شعور المغترب داخل بلادي
وليه تكتب من غيابك جملةٍ ماهي مفيده=كل مالدّيت فيها ظاع جدي واجتهادي
واقفٍ بين الرّجا والياس وظروفي عنيده=ليتها ماتقطع حبال الرّجا قبل الحصادي
المشاعر تجبر الشاعر على بدع القصيده=والقصيده تكتسي من حزني ثياب السوادي
والامل لو طال وقت البعد ايدي تحضن ايده=لو ظروف الوقت تجبرنا على فك الايادي
يامسافر كان عزّمت السفر لارضٍ بعيده=لاينسّيك السفر قلبٍ من الفرقا ينادي

واقفٍ بين الرّجا والياس وظروفـي عنيـده
ليتها ماتقطع حبال الرّجا قبـل الحصـادي

المشاعر تجبر الشاعر على بـدع القصيـده
والقصيده تكتسي من حزني ثياب السـوادي

.

سعود

ابدعت صح الله لسانك وفكرك


تحياتي لك

[table1="width:95%;"]

[table1="width:95%;"]