موج البحر مُثِّر على البحاره = والسِّيف دونه كارثه ومطمه
خلى النواخذ واقفه محتاره = والكل منهم غارقاً في همه
ماعاد تنفع لعبة الشطاره = والنوخذه لازم يعود لمّه
اللؤلؤ والمرجان والمحاره = ماكل من يسبح يجي ويخمه
من دونه امواج البحر جباره = لجه خطر سودا ومدلهمه
من طبها راح العمر خساره = يبكي ندم والدمع بلل كمه
والي نجى منها يدور داره = يركض مهستر فاتحاً لك فمه
يالله دخيلك من خطا الغداره = مثل البحر يغدر بذيك اليمه
مادامت الدنيا وهي دواره = يومين بالقاعه ويوم القمه
نصيحتي للي يبي التجاره = يرعى زبونه مثل ابوه وعمه

المشاركة الأصلية كتبت بواسطة سفير المعاني (المشاركة 246900) محجوز

هلا وغلا بالغالي

حجز فاخر

ننتظر عودتك بفارغ الصبر

الشاعر/ سالم محسن الفهمي

صح لسانك يالجزل ابداع حد الذهول

دمت على هذا التميز وننتضر بكل شوق القادم من روائع اقلامك

تحيتي لك

المشاركة الأصلية كتبت بواسطة سفير المعاني (المشاركة 246900) الغالي الشاعر سالم محسن الفهمي الله انه يسعدك ويوفقك بجميع اوقاتك ولقد اسعدني ان اكون اول المصافحين لهذه القصيده ذات المعنى والهدف وبها حكمه وتجربه من شاعر متمكن ومبدع وصح لسانك وعلا شانك ولاهنت وتقبل تحياتي

الحبيب " سفير المعاني

الله يسعد قلبك ويسدد على الحق خُطاك يالغالي

اثلجت صدري بمرورك الراقي ودعائك الطيب

الله يتقبل منك ذلك ولك مثله

صح بدنك والله لايهينك على هذا المرور العذب

اجمل التحايا