هلت تباشير الفرح ليلة العيد=وسقت التهاني بالبيوت الجزيله
أسمى التهاني سقتها لباشة الغيد=أصدق مشاعر من خليل لخليله
للّي غلاها داخل القلب تحديد=سبة عناي وعلتي كل ليله
ياما أنتظرته بين حسره وتنهيد=عيني أسليها ونفسي عليله
الغاده اللّي وصفها غير يازيد=أم العيون الناعسات الضليله
اللّي غيابه يشعل النار ويزيد =وسط الحنايا مثل جمر المليله
من لوعة الفرقا وكثر التناهيد=هز الكيان وخافقي عزتيله
ليا أقبلت مثل المزون المراجيد=تسقى خفوقي والضلوع النحيله
لعيونها نبض القصايد اناشيد=تروي حكايات الليال الجميله
أكتب لها شوقي وصدقي بتأكيد = بالغايه اللّي كل بارق تخيله
للشامخه بنت الرجال الصناديد = اللّي غلاها ما أدور بديله
وأجمل هديه تحتوي فرحة العيد = فيها التهاني والمعاني النبيله

المشاركة الأصلية كتبت بواسطة سفير المعاني (المشاركة 308534) الغالي الشاعر فرج الدهمشي كل عام وانت بخير وعيدك مبارك اسعدني ان اكون اول المصافحين لهذه القصيدتك الغنيه بالمشاعر النبيله والفريده بمناسبة العيد الموجهه لبنت الصناديد صح لسانك وعلا شانك مليون ولا يكفون تقبل تحياتي

المشاركة الأصلية كتبت بواسطة سر دار (المشاركة 308535) فرج الدهمشي/ كُل عام وانت بخيروعيدك مبارك صح لسانك ياغالي طبت واطيب التحايا