شبكة رهب الأدبية-ريما محمد السديري

شبكة رهب الأدبية-ريما محمد السديري (http://www.rhb-reema.com/vb/index.php)
-   الديوان المقروء (http://www.rhb-reema.com/vb/forumdisplay.php?f=104)
-   -   الميت مايصحي على شقة الجيب (http://www.rhb-reema.com/vb/showthread.php?t=19344)

عقاب 10-12-2009 09:45PM

الميت مايصحي على شقة الجيب
 

/






















/




























/



























واطيري اللي ماضي له تجاريب= للطيب في وجهه تشوف المواري
طير كفوفه من فعوله معاطيب = صاد المها من عقب صيد الحباري
ماص يفكك مغلقات اللواليب = طير السعد طير من الريش عاري
ما فيه شك ويتبع الطيب للطيب = ذلقة سنان ماضي الفعل فاري
مشعل ندى في عاليات المراقيب =عليه يسري بالدجا كل ساري
ابعد من النسرين بعده عن العيب = وان غلى سعر الطيب للطيب شاري
محفظ ما فيه شك ولا ريب = شبل ترعرع بين نمر وضاري
يعرف ليا كبرت عليه المواجيب= وباللي خفا كنه عن الغيب داري
وا نزاودونا بالفعول الاجانيب = حنا بذخر الوايليه نماري
هم مزبن اللي ما لقا له مقاضيب = جاهم ودمه حاير بالسماري
لجابهم عن حاميات اللواهيب = يحيا وزيره والدليل الشهاري
ماله عليكم يابن فيصل مطاليب = وجده نوى يتبع طريقة مشاري
للوارد الظامي فتحتوا مشاريب = وكرسي شريعتكم سيوف هواري
يا مير ابشكيلك فعول الرعابيب = من واحد دايم لعقلي يباري
منه الضماير يابو خالد مصاويب = طفل سلب مكنون عقلي جهاري
انوح نوح الورق واقنب كما الذيب = وعليه جار لي من الحب جاري
يا غافل انش من مضى له تجاريب = حي جرى له في حياته عزاري
الميت ما يصحا على شقة الجيب = ولا ينفعه بالقبر سفك العباري
اتبع دروب العز لو هي مصاعيب= ان شفت من ربعك صدود ونكاري
والمبغض المقفى كثير العذاريب = لا تتبعه لو هو جديد الاثاري
والغبن يرث بالفتى واضح الشيب = وعند العفون الطيب ما له محاري
الناس تامن من رجال غواليب = وصار الخطر من بايهين الذراري
على الحرار محرمين المراكيب = وحطو عليهن الحدا والسباري
والعبد مزبانه على عالم الغيب = ويوم الحشر كل الخلايق عواري
ارجيه لو الخلق مني مغاضيب = وبامره تهب الكاينات الذواري





هذه القصيده من احد المصادر الموثوقه


الساعة الآن 08:59AM

Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية