يقول من لاعه زمانه وراعه
بسم الله الرحمن الرحيم السلام عليكم ورحمة الله وبركاته ويسعدني ان اقدم لكم اول مشاركاتي الشعريه اتمنى ان تنال رضاكم
يقـول مـن لاعه..زمانـه وراعــه=في ضرف ساعه..شاب راسه وشابـي شيبتـه الايام..وشـهـور واعــوام=مافيـه يـوم نـام..شـاف العـذابـي دنـيـاً خطيره..عاقبتـهـا مـريـره=والشـك والحيره..تـزود صـوابـي يــوم اتفكر..بالـزمـن واتـذكــر=لوشربـي السكر..اعـاف الشـرابـي ودنيـاك يالانسان..معدومـه إحسـان=لوالزمـن لـك زان..تطـرد سرابـي لوعشت فيهاشهور..وسنيـن ودهـور=مـردك المحفور..تحـت التـرابـي وتـرى الدهرغدار..والـوقـت دوار=ويتبـع حـلاه أمرار..لوكـان طابـي وأعلـم تـراك بخير..لاتنظـر الغيـر=مافيـه لوتطيـر..فـوق السحـابـي أمسك لسانك زين..عن منطـق الشيـن=وأعرف إبليس إلعين..وأحـدر تبابـي!! وقم للصلاه وصل..والرحـم وصـل=حتى تجـي محصل..يـوم الحسابـي ووصيك حج البيت..لاصرت مازريت=لاحرمت ثـم حجيـت..زاد الثوابـي والجارلاتوذيه..بالـشـر تـجـزيـه=أسمع وش اللي فيه..قـال الصحابـي ترى النبي وصاك..بالجـار حـذراك=حتـى الولـي يجزاك..يـوم المأبـي ودفع زكاة المال..من خيـر الأعمـال=إذابلـغ فـي الحال..حـد النصـابـي حتى يجي مبروك..مـن غيرمشـروك=وأن بعت وأن باعوك..حـذرا ترابـي وبالوالدين أوصيك..لاخـاب راجيـك=وأصابهـم واليك..جـوف الكتـابـي أمك ربتك سنين..يـوم أنـت مسكيـن=ولازم تـرد الدين..والـرد إجـابـي تسهر عليك الليل..قـد ذاقـت الويـل=وخلـك علـى ماقيل..ليّـن جنـابـي وأبوك صال..وجال وشتـال الأثقـال=ويسري بدون نعال..مسـرى الذيابـي يـوم إنهـا مافيش..يجمعلـك العيـش=على القـدم والجيش..جـرد الرقابـي يتعب لجـل ترتاح..وتزيـد الأفـراح=وعسى التعب ماراح..يومـه شبابـي وخلك مع أهل الطيب..وأبعد عن العيب=مافيه شـك وريب..جـاك الجوابـي الطيبين حيود..وأن صـرت مضهـود=تلقابهـم لـك زود..وقـت الصعابـي وبعض الشباب اليوم..يانـاس درعـوم=لويحمـل الدبلوم..مثـبـور هـابـي ولومعه بكالريوس..من جامعه لـوس=ماتنفـع الدلفوس..خسـران خـابـي مادام في القصات..راعيـن موضـات=ومحادثـات الشات..سـاس الخرابـي يقص شعر الراس..معـدوم الأجنـاس=معـاد فيـه إحساس..مثـل الغرابـي يلبس لباس الشرت..ويقول أنا صـرت=ومـادام تطورت..مابغـى الثيـابـي والالـبــس تكميل..ويهزويـمـيـل=وعلامـه التجميل..قـصـه وكـابـي لوجاك مع بسكال..طابقـت الأشكـال=لويلـبـس الأبـكـال..والا النقـابـي ومن صبغـه المكياج..معـاد يحتـاج=وأنعـم مـن الديباج..يشبـه ربـابـي تشوف الشنب مزلوق..والدقن محلـوق=ومع ليّـن المنطوق..شكـل إنسيابـي وبالليل عـزف وعود..لوفيـه منقـود=ووقت النهـار إرقود..مثـل الكلابـي الوضع يبغى حلول..ماهوب مجهـول=والـوادي المسيول..فوقـه ضبـابـي وإن فات منك الفوت..ماينفع الصـوت=وأعمل ليوم الموت..وأحجـز ذهابـي أكـد سفـرك أوكيه..والعلـم هاكيـه=وأن قلت لـك دوكيه..لاتقـول مابـي تـرى الطريـق بعيد..يحتـاج تزويـد=بالديـن والتوحيد..وأخـذ الزهـابـي وحنا وترى ماشين..بالـدرب عجليـن=ومـع جـره المقفين..سـج الركابـي ويالله أنـا طالبك..فـي جـاه جانبـك=وعن اللـذي يغضبك..صكيـت بابـي ياربنـا فزعتك..نطلـبـك رحمـتـك=عبدك علـى طاعتك..مخطـي وتابـي تحياتي لكم |
راشد
مرحبابك في منتداك وبين اخوانك وصح لسانك على هذه الفاخره تحياتي . |
راشد العتيبي
وقصيدة فيها من التجارب والنصح الكثير صح السانك وشكرا لك وبالتوفيق |
صح لسانك عساك
|
صح لســـآنك ملايين جزله وحنكة علمّ
تحيتي أخوك // |
صح السانك
قصيده شامله وكامله تحياتي اخوك الغواص |
الغالي
الشاعر راشد العتيبي ولقد اسعدني ان اكون من ضمن المصافحين لهذه القصيده والاروع من رائعه وماتحمله من بطياتها من شعر ونصح وحكم من شاعر متمكن ومميز وصح لسانك وعلا شانك مليون ولايكفون وتقبل تحياتي |
راشد اهلا وسهلا نص . تشريح لواقع مجتمع .. ونصيحة غيور .. صيغ بااسلوب متمكن .. تحياتي ..ودمت بخير |
كفو
|
الساعة الآن 09:17AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية