|
جــدلانيـات
هو مدرسة شعـــــــــريه قلّ مانجدها في هذا الزمان فاليكم هذهـ المقتطفات اذا انك تبي تعرف قليل الحيا من قرب قليل الحيا من يستغل الحيا بالناس لو انتزاعل ماعند قلوبنا فينا كنه يجينا الزعل وقلوبنا برا الا يالغـضي جاني على هرجـتك ضــموه ترا الهرجة اللي غير هرجتك ما اطعمها هروجك عطتني من هروج العرب حموه تسولف علي الناس غيـرك ولا افهمـها يامراسيل اريش العين قولي له اسعد المولى لياليه وايامه ثم قولي والله ان قدر ولفي له ولف سبابة بنانيه لأبهامه لعل ربٍٍ جمع يوسـف ويعقوبـي يلّمنـي مـع وليفـي واتهنـابـه اللي من اجله ما غير احسّب اذنوبي والقلب كنّ الدبا الحنّـان يرعابـه احتل طيش المشاعر واخلف اسلوبي وجميع ما مرنـي منـه اتهجابـه الكلمه الطيّبـه لا قطهـا صوبـي والا نظرلي بنظرة عطف جذّابـه فرحت فرحة صلاح الدين الايوبي ساعة تولّى على المقدس وصلابـه يلي علشان معكازي تبين لي رجلي على حالها وانا على حالي الكسر ماهوب في رجلي علي كلي وانت السبب فالغرابيل اول وتالي ليت الغرابيل جتني من عدولي اما تقاضيت والا بيتقاضالي لكن من واحدٍ ذكره غناتلي بلعون احبه وابااحبه ولا ابالي خلوني اسج عن موضوعه احسن لي والا الغلا والله ان يبطي وهو غالي وأنـت سبّـة كـلّ شـي ولا داويــت شــيّ=كيـف يـاقـادر عـلـى داي ماتـقـدر دواي بعـد مــا شتـتـوّ الفـكـر وأخليـتـو يــديّ=كثرت أعلوم الشماميت وأفرحتوا عداي مابعد جاني مـن يـوم التقـو بـي والـديّ=ولابعد مـرّ المحبيـن مـنّ حـوّاء وجـاي لوّ خبر به حـيّ يبكـي علـى فقـدان حـيّ=كان يمدي من عرفني يشاركنـي عـزاي وانّ بغيت أجيه وصله ماتهيّا=صاروا العربان من دونه حمايا يا وليفـي لا تسويبـي كذيّـا=الخطايـا لا تلحقهـا خطايـا ما يبور بصاحبه عقب البغيّـا=كود ناسٍ مالهـا بالله عنايـا كلّ شيٍ أعمله كـود الجفيّـا=الجفا يزعل وسيعين النهايـا لا قالوا تحبّه قلـت مـا عادنـي بأبيـه=وأنا أشفق له أشفا من سقيم المرض لدواه أقويّ عزومي كنّ ما عـاد عنـدي فيـه=وأنـا والله انّـي مونـسٍ البـلا وأكنـاه عروق الحشى ماتنبـت الاّ علـى طاريـه=تنامى على قربـه وتهجـر علـى فرقـاه فترى من يعذل مولعٍ مـن هـوى غاليـه=مثل من يحاول يعدل السيل مـن منحـاه أجمعله سمان الهرج خوفٍ من التقصير = والى جيت ابشرح له كلامي تهيزلته يجيني منّه هيبه . معزه . سحى . تقدير = اقابله عندي علم وأروح ماقلته الله يقطع الحاجه ومشي بلا مشهاه والله يقطع اللي كلّ من قاربه ملّه والله يقطع اللي لا بغيناه ما نلقاه والله يقطع اللي لا صفا ما صفا كلّه كفايه .. كفايه .. كفوا الصوت ياجهال =من الونه اللي كـان قلبـي معاملهـا تحسبون ونة تالي الليل وسعـة بـال =وهي ونة ٍ مـا تثـر إلا علـى هلــــهـا لا دكة هواجيس المعنى وليلـه طـال =وقام الدجى قصـة حياتـه يسلسلهـا تراكا ولا منْه ألتفت ما يشـوف أزوال =شبح للسماء كن الجنـون أيتخيلهـا تنهت ولا منْه أبتـرم قلبـه الشغـال =خطير ٍ ضلوعه تختلع مـن منازلهـا جذب ونته وإلا وصل نصفها ما أحتال =تزارق دموع العيـن قـدام يكملهـا هلا ياخاطرٍ في خاطري من خيرة الخطّار تقبلك الجوارح شرّع البيبان مسروره يحيّيك الخفوق اللي بيوتك في مداه كبار حللت اهلا بدار تحسب انها عنك مهجوره الوضع مزري ويؤسف له ويرثى له حاول على وضع يصلح لك ويصلح لي اما اعتبرني ذكي ماانت بعلى باله ولا اعتبرني غبي مرّه ووضح لي لانشرح ظرفي لمثله سلمت من الحسوف ان قدر وان ما قدر ماينقص من غلاه ان قدر يدرك لزومي ملكني بمعروف وان تعذر من لزومي عسى الدنيا فداه إلا حاجتين تبحث اللي خفاه بعيد اذا طال المرض ولا اذا ما طالت الطرقه اجامل على الاحوال والكبد فيها جرح وكبدٍ يجيها الجرح تبطي وهي وجعه والمدوّر في متاهات سر الصامتين بيتحيّر ما عرف كرهها من ودّها كم شفوفٍ خيّمت في نفوس المستحين لين ماتت بين بني الآمال وهدّها كني يتيم حسّته نظرة الناظر ماخلت براسه من دموعه ولا قطرة على ضوء الكلام اللي كشف عنّا ستار الصمت عرفت ان به وجيهٍ باليمن ووجيه بالشامي مصيبه لا تردّت قيمتك في عين من قيّمت يشوفك بالسهل وانته تشوفه بالسما السامي فينا كبيرين الهقاوي يظنّون إنّا لنا منزال فوق النوايف ومن شانهم مانقبل المنزل الدون والوقت مدهر والمزاهب خفايف والسكوت اخفى معرفه والكلام مصيبه كان ما به كلمةٍ يفخر بها قايلها والنشيد تشلّه الركبان وتغنّي به كل ما غنّوا قصيدة قيل من قايلها وطارق ابواب العرب تفتح له الابوابي ومن فتح باب الضيافه يكثرون ضيوفه يقولون لي تب عن تصرفك وتحبّي وانا توبتي عن مجتمعهم هي التوبه وديار الوبا من طبّها راح متوبّي وقرّابة الجربا على الحول مجروبه أنا في السفر لا صار مالي خـوي أزريـت أشوف الطريـق بعيـد والطرقـه وحيشـه يامرحبا مادونها باب مقفوله ابوابها ريموت بيدين اهلها من خذا منكم خفيّات السرايـر والله ان يبطي ولعكم في ضميره ولا كل حيدٍ تنقله يصلح بنايه ولا كل جدرٍ لا تراكيت به قوي ياالله وحنا لك عبيدٍ ملاكا ولمن يسالك مع رواق السما فكّ يا مهلك العزّا معزّ الهلاكا والمبتدا والمنتهى كلها لك يامالكٍ مالك بملكك شراكا افرج لجاشٍ حطّ فيه الدهر حكّ ابغى اتحاكا ماعرفت آتحاكا من همّي اللي قاطعٍ له علي صكّ ضيم الدهر منه النشاما تشاكا التكّ خلاها دبل والدبل تكّ عطى ضعيف العقل ياكا وياكا ولا حكيم العقل مايلحقه شكّ ياوليفي دمعكم في غيابي ردّ لي وأدري ان دمعتك خوفٍ عليّ ومن غلاي أنت ممرضني وأشوف المرض فيكم وفيّ الهبوب البارده منك هبّت في حشاي والله ان كبدي عليكم عراويها أضميّ والمشارب غير هرجتك ماتقطع ضماي واهل التكلّف بالمعرفه والتصنّع بالبشر والله ماهي حول الصحيح ولا الصحيح بحولها اللي يفضّل مايقيّم بو ميه من بو عشر حتى الفضوليّه عن الفاضل بطل مفعولها اللي تخبره لحيته ذا طولها يصبح بزر واللي تخبره بزر يصبح لحيته ذا طولها يجيني هموم ما تسير على السالين ملفاها معنّين الزمان ومجاريحه خلج الشكاوي على مجدك مسانيدي اللي حداها من الايام صكّاتي يامحقق اهداف شرهين المقاصيدي في جانبك تكبر شروهي وهقواتي لا حدانا القلّ واللّي روابعهم ضعوف جعل ربّي مايرينا غضبه ولا جفاه ولانقفل بابٍ من الرزق حرّاسه وقوف فتّحت بيبان الارزاق من كل اتجاه تدري وش مسبّب القالون والجلطة وتدري وش اللي مخلي عارضي شايب وتدري وش الغلطة ليا قالوا الغلطة لاصرت مؤمن وتامن واحدٍ خايب أقول في وقتي اللي معك مايكتمل الوقت غدار والدنيا قليلة حلا من شاف وجه الغلا يضحك بوجه الملل والله ان يخلي لزومه ويتلقى الخلا روسنا شابت ودنيانا على زمة صباها وامتلينا آهات من بعد الطموحات الصعيبه كثرة الآهات من كثر الجروح اللي وراها كل جرح منه آه وكل آه من شيبه ياحبيبي واتحاشى منك كلمة ياحبيبي لأنك أكبر من مجال الحب كله والمحبه وش بنا .. وش ذنبنا .. ربنا ماحبّنا الديار بخير ..من زارها ما ذمّها لاانعزل شمامتين من الطلع اقرنا ومرها الساقي .. وهب الهوى من يمّها أتعب أنا .. كل ماأشوفها .. أتعب أنا واحترق واذوب .واروح في عين أمّها ليتني مثل النخل منتج الا تمر لجل مايزعل فلان وفلان اعرف ان الرزق مضمون والدنيا ممر والاصدقاء ماذخرناهم الا لحاجات الزمان احد لا جيت عنده راحت ثماني عشر واحد لاجيت عنده راحت عشري ثمان والله مايوجع الرجال في راسه غير اختلاف الشفوف ووحشه الديره تثير فيه الزعل وتبلد إحساسه ويسير من ربكه التفكير في حيره أصحاب طنش تعش وإيزي عادي شباب يالعنبو من حسب منهم خليل وفي والله ان سبع الفواسق فوق وجه التراب أطهر من سهومٍ لا تنّطح ولا تنقضي اللب مايطبع إلا في قلوب اللباب وهزمة عدوٍ مبين ولاعدوٍ خفي سألوا بن جدلان عن الحداثه في الشعر الشعبي وهل يستطيع أن ينظم بيت على الاقل من الشعر الحداثي : قال بن جدلان : على جناح الباميه وقّع الفـول,,,,,,,,,والكوسة الخضرا تحب البطاطه http://up3.m5zn.com/photo/2009/5/25/...n8zyfj.gif/gif عذراً على الاطاله المصدر : ديوان سمان الهرج الجزء الاول والثاني |
ياالله وحنا لك عبيدٍ ملاكا يسلمو على الطرح الرائع سلمت اناملكي ولمن يسالك مع رواق السما فكّ يا مهلك العزّا معزّ الهلاكا والمبتدا والمنتهى كلها لك يامالكٍ مالك بملكك شراكا افرج لجاشٍ حطّ فيه الدهر حكّ ابغى اتحاكا ماعرفت آتحاكا من همّي اللي قاطعٍ له علي صكّ ضيم الدهر منه النشاما تشاكا التكّ خلاها دبل والدبل تكّ عطى ضعيف العقل ياكا وياكا ولا حكيم العقل مايلحقه شكّ تحيتي لكي |
ياالله وحنا لك عبيدٍ ملاكا
ولمن يسالك مع رواق السما فكّ يا مهلك العزّا معزّ الهلاكا والمبتدا والمنتهى كلها لك يامالكٍ مالك بملكك شراكا افرج لجاشٍ حطّ فيه الدهر حكّ ابغى اتحاكا ماعرفت آتحاكا من همّي اللي قاطعٍ له علي صكّ ضيم الدهر منه النشاما تشاكا التكّ خلاها دبل والدبل تكّ عطى ضعيف العقل ياكا وياكا ولا حكيم العقل مايلحقه شكّ ماأجمل تلك الابيات المتناغمه مع الحياه...ومااقول الاصح لسان قائله...وناقله جميل مانقلتي من شعرجميل دليل على تذوقكِ الراقي في العذوبه... تقبلي مروري المتواضع.... |
الحياة كلمة
شاكرة لك هذا الحضور العطر |
على جناح الباميه وقّع الفـول,,,,,,,,,والكوسة الخضرا تحب البطاطه http://up3.m5zn.com/photo/2009/5/25/...n8zyfj.gif/gif
هههههههه يعطيك العافيه أختيار رائع لشخصيه يرتكز عليها الشعر النبطي وروائعه لاتنسى . كل التحيه والتقدير . |
ظل عابر
صح بدنك ممتنه لحضورك |
| الساعة الآن 12:18AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية