مرثية الشاعر عناد مطلق السعدون ( بسموه)
/ / يا لله يا راعي العطا و الفضيله= اللي على الكرسي تعلا جلاله يات خالق الدنيا نهاره و ليله = يعلم ولا حدٍ يفتري باحتياله يقول اديب هيض القلب قيله = و يفيض المكنون عما طراله زبن الكلام وتاعب بتعديله = كوزن قبّان يرجح عداله قلته و انا بالقلب مثل المليله = على الذي لا حل طاري مجاله و الدمع من عيني تزايد هميله = مثل السحاب اللي تقافى خياله من شوفتي للي براس الطويله = سبع السباع اصبح خلاوي لحاله يا حيف يا راعي العلوم الجميله= اللي طوت كل المراجل حباله كل على ما راد عقله يجيله = يجلس وكل يبدي اللي طرى له ليث ليا بان الكلام و حصيله = أكبر مهم بالمتون ارتكى له ما هو فقيداً بس على قبيله = كلٍ على الجنه شفع و ادّعى له بالجنه الخضرا عسى الله يحيله= نفس ضرت على الصخى و الشكاله عله إلى واجه عميل عميله = يصبر ابو زيد بعنابر ظلاله عسى الغصون اللي بها تنحني له= ويعقد مع الحور المزبن قباله اللي خذ الفايز على كل جيله = خال الملوك اللي تورخ فعاله يمناه في دعم المراجل طويله = هو فرحة اللي كان ضيم اشتكى له ياوى يمنا ما هي و الله بخيله = ولا دوّرت رد الثنا و الجماله ثناه عند اللي ينجى دخيله = يراه للمولى ثناه و كماله خلف لنا مثل السيوف الصقيله= الله يفرحنا بسلامة عياله ابو زياد الكايده ينتبي له = حيد ليا دنّى له الحمل شاله ومشعل عضيده عن بلا كل ميله= و اخوانه اللي مثل صفة جماله حموله ياويها من قبيله = عيال السداري بالصخى ينعنى له هذاالكلام اللي تبين دليله= من جوهر المكنون يجمع كماله و الهرج يكفي عن كثيره قليله = زبن المثل بمزّرف الخط قاله وصلاة ربي ختمها وتهليله = على الشفيع اللي مشى بالرساله . |
الساعة الآن 01:05PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية