أهداء الى روح والدي في قبره
يابعد عيني السموحه يوم شــــلتك للمجنـــه=فوق كتفي وانت كتفك شالتن يابــــعد عيني ادري ان الموت حق وعارف أن الدفن سنّه=بس عيّت لاتهيل أتراب في وجــــهك يدـيني أمطرت عيني سحابة وبلها وأسقة وجنّــــه=ماطرمابــــل عشـــــب ولا به اتربـــع سنيني ابتدى فصل الخريف وساقط الأوراق عـــنه=وأعترى غصن زرعتـه في يديك ومرتويني كان ضله من عرفته لاعــطا من غير منّــه=رغم كل جيش السنين العجف قاسي مايلـيني ياسحايـــب نــجد سوقن للـمزون وسيلنـــه=فيضة ساكن بها اللي في غلاتـــــه محتويني في رحيله ماتـــرك لي بالحــشا ياكود ونّــه=وغير حزن بعين طفله أصبحت مصدر حنيني تسألن يــــوم الـــبنات اللــي بسّنه يسألنــه=وكل يوم أكذب عليها بـــــكل مره هي تجيني لين ماغنت خلوج النفس وأرخت للأعـــنه=مهرة عيون الشقاوي والعزى بطرق الهجيني يوم صار الضلع قوس وأصبح الخفاق شنّه=والهجوس اللي أ تحداها الذاكره وهي تحديني أمكنتني بالصواب وطنعة بالجوف كنّــــــــه=ضربت من كف فارس بالحشا برمح أرديـــني |
الغالي الشاعر حماد
الله يرحمه ويغفر له ويتغمده برحمته ومن خلف ما مات وانت الخلف لخير سلف قصيده رثائيه معبره وصادقه من مشاعر ابن يحب ابيه وليس هذا بغريب احسنت القول وبيض الله وجهك ووفقك لما فيه الخير تقبل تحياتي |
الغالي
حماد الخريصي خير خلف لخير سلف رحم الله والدك واسكنه فسيح جناته انه على ذلك لقدير صح لسانك واحساسك وعلا شانك ونشكر تواصلك العذب هنا في منتديات رهب الشامخه تحياتي لك |
ياسحايب نجد سوقن للمزون وسيلنه فيضة ساكن بها اللي في غلاته محتويني في رحيله ماترك لي بالحشا ياكود ونّه وغير حزن بعين طفله أصبحت مصدر حنيني الشاعرحماد الخريصي رحم الله والدك واسكنه فسيح جناته ووالدي وجميع المسلمين اجمعين صح لسانك وعلى شانك رثاء رائع ماننحرم من جديدك كل الشكروالتقدير لشخصك الكريم دمت بكل خيرومحبه |
الله يرحمه ويسكنه فسيح جناته الموت حق والنسيان نعمه وقصيدة رثا مره جميله تقبل مروري |
الساعة الآن 08:35AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية