الهجوس اللي تجي كل عصريه=كيف ابشرح للجماهير معناها
غن ياطاروقها واخلص النيه=قبل لاينتابني شي واجفاها
اعطني من مديمناك قافيه=خلها تحفه فريده بمبناها
خل بنت الفكربنتٍ عموديه=كل ماغنيتله طاب مسراها
مانبي بث العربسات حصريه=اطلق القيفان للفكر يقراها
يوم صارالشعرلعبة حراميه=قلت غنو ياهل الشعر مبداها
الشعر تعريف معنى وماهيه=اصطلاح الاسم تفسير فحواها
حملوه ذنوب وعيوب وهميه=غيرو في بعض الاقلام واسماها
شلة التحديث والاالحداثيه=فلسفه تحمل وزر من تبناها
الشعرماهومناهج دراسيه=لوبكت عين المحبين ليلاها
وسط فوج الامركه والشيوعيه=دوّزن المطرب وترها وغناها
كل بابٍ ينفتح صار حريه=والخطوط الحمر بالزيف نمحاها
كل شعبٍ له حدود وخصوصيه=لاتطالع بعد الاطلال واقصاها
امة التوحيد ماهي يهوديه=لاتحاصراعدل الناس بلحاها
في بلد مسلم والاحكام شرعيه=فكرة التكفير شعبه تحداها
لاتجادل في شعارات غربيه=ندرك اهدافه وندري بمغزاها
لو بقت حطين بقلوب منسيه=مانسينا من كتبها وقرّاها
من صلاح الدين حطيننا حيه=سيرةٍ تحكي وطنها ومنفاها
كلنا نحلم والاحلام ورديه=بالورق نكتب منى ونتمناها
يرفض القسيس ترك المسيحيه=والحقايق منهج الحق عرّاها
في عيونه كلمة الحق عبريه=سلعته من قبل يعلن كشفناها
لويزورابلاد ويحج من غيه=تجري الافكار في نفس مجراها
قلهم هذي شعارات ساميه=دون التاريخ بالحرف واحصاها
مابغيت استقبل القاف عصريه=لين قالت بعض الابيات معناها
قلت يالله والبدايات عفويه=ننشغل معها ونمشي بممشاها
في زمانٍ يفتقد للشفافيه=فيه بعض الناس تخلف نواياها

[TABLE1="width:95%;background-color:black;border:8px inset burlywood;"]

المشاركة الأصلية كتبت بواسطة رياض الهديرس (المشاركة 171398) وسط فوج الامركه والشيوعيه دوّزن المطرب وترها وغناهـا صح لسانك قصيدة رائعه جدا

المشاركة الأصلية كتبت بواسطة فكر سامي (المشاركة 171401) صح لسانك يالعمودي وبيض الله وجهك على هالرائعه انت في القصيده كاتب في بلد مسلم والاحكام شرعيه فكرة التكفيـر شعبـه تحداهـا وبالصوتيه تقول في بلد مسلم والاحكام شرعيه والتطرف فكرته من تبناها ليس نقد ولكن توضيح ان احببت تطابق الصوتيه مع الكتابيه ومره ثانيه صح لسانك ولا هنت يالعمودي