|
مجنونك
[table1="width:95%;"] | [/table1]بسم الله الرحمن الرحيم متواضعه اضعها بين ايديكم عل وعسى أن تنال على إعجابكم مجنونك ‘، ‘،
مساء الخيـر اقدمهـا مسـاء الخيـر لاعيانـك=صباح الخير ابحفظهـا صبـاح الخيـر لعيونـك مساء الخير ياقوسٍ مـزج لونـه مـن الوانـك=صباح ازرق فضاء لونه مزج لونه علـى لونـك مساء اسود اخذ لونـه جديـل يلاعـب امتانـك=صباح ابيض يشع نوره شعاع ابيض من متونـك مساء ورقتـه تخجـل مـن عيونـك وسيقانـك=صباح يموت من حسنك صباح يمـوت مبطونـك مساء اروع مساء انتي مساء من روعة اجفانـك=صباح احلى صباح انتي صباح يداعـب جفونـك مساء شاعر يجر القاف يموت بروعـة اوزانـك=صباح اشعار لعيونـك بناظـر عيـن موزونـك اجيب القاف لعيونـك واسخرهـا علـى الحانـك=تجن كلمه / ويعقل حرف / واروضها على لحونك ابي انـال اعجابـك وابستحـوذ علـى اذهانـك=اجيب الصدر في أنك ، واجيب العجز في أونـك انا ماكنـت مديونـك انـا اللـي كنـت ديانـك=انا ماكنت اصدق يـوم يجـي واكـون مديونـك قسـم بالله انـا عاقـل قبـل اشوفـه اجنانـك=انا عاقل معـا غيـرك وفيـك امـوت مجنونـك انا جنـك ومجنونـك انـا هوسـك وشيطانـك=وانا معلون في حبـك وانـا ساحـرك ملعونـك وانا كلي علـى كلـي اجـي وارجيـه اوطانـك=على ماطـاب سكينـك فهـد سميـه مطعونـك انـا مبطـي متيـم بـك وسكرانـك ونعسانـك=ابي احياك واصحابـك دخيلـك قـدم صحونـك انا اسكـرك واصحابـك ومجنونـك وسكرانـك=اموت بثقل اخلاقـك وامـوت بروعـة جنونـك انـا مدمنـك ثملانـك سكيـر بخمـرة السانـك=وخمري اعرفه خمـري تـراه يـذوب بسنونـك دلع / فتنه / على طيبه / غنج / هاذول سكانـك=مقدس للجمال اسمـك كـان الحسـن مسكونـك انـا نـورك وانـوارك وانـا عـودك ودخانـك=وانا جمر احترق فينـي كانـي جمـر غليونـك انـا مؤمـن علـى دينـك وبمحمـد وقـرانـك=وانا مؤمن بإن الخلق / جمال / وذوق / يدعونك وانا مؤمن بإنـك شـيء يمثـل خيـر اقرانـك=تفرعن فيك فرعونـك وانـا مؤمـن بفرعونـك شفاهـك تـوت واعيانـك ونهدينـك برمـانـك=وريقك نرجسي مخلـوط مدسـم فيـه ليمونـك وش اكثر لو تبي اكثر اجـي اوصفـه بستانـك=شكـر لله ثـم لاهلـك شكـر مـادام يسقونـك أصيح وداخلي حنجـور إليامـن طـار فستانـك=اجل وشلون لو شفتـك كمـا اهلـك يجيبونـك انا مالوم بنطالـك ستـر عيبـك وثـم صانـك=انا برضو بعـد مثلـه ابـي استـرك واصونـك تخيلتـك كمـا طفلـه وانتـي بـيـن خـلانـك=وحسدت اللي لمس ايدك وصلصالـك ومعجونـك تبعثـر كـل مافينـي رجيتـه رحمـة إحسانـك=اجل وشلون لـو شفتـك نفختـي فـم بالونـك دخيل اهلك وحـق الله وحـق امـك واخوانـك=يبوسه الثراء ماطاك على هونـك علـى هونـك تعاطاك الضمير وصار مدمـن جرعـة ادمانـك=جنا قلبي علـى قلبـي بسيـفٍ كـان مسنونـك ابي حق الضمير اللي تـرك صـدري لوديانـك=وابي حق العتاب اللي مـلا صـدري يلومونـك ابي لاجيت من جوري ابـي تشرعلـي بيبانـك=واقول اني وحق الشمس وحـق الليـل مفتونـك ابيك ابداخلـي عـذراء وابـي اكـون سجانـك=صبر آسف أنا آسـف أبـي اكـون مسجونـك ابي ابحر وسـط قلبـك وابـي اكـون قبطانـك=وابي ارضخ على امرك واطيع امـرك وقانونـك وابي اهيم فـي داخلـك وابـي اكـون مليانـك=وابي احفظ لك اسرارك يصون الـود مصيونـك عجيبه لوحة وصوفـك رسمـك الحسـن فنانـك=خضع شانـه وإيمانـه وتحسبلـك مـن فنونـك عطاك الله جمـال الحـور عطـاك الله واعانـك=عطاك ولا بخل سـواك دخيـل الله يـا عونـك جميلـه بكـل حالاتـك وربـي مذهـل ازمانـك=وربي ماخلق ربـي مثـل زينـك وفـي كونـك روايه مـن خرافاتـي توحـد بـك وثـم كانـك=امرك الحسن لبـي لـه يبيـك تكـون ويكونـك تعالي لي انا بيـرك ابـروي جـوف عطشانـك=تعالي لي انـا ارضـك ابـزرع فيـك واكونـك تعالي لـي انـا شعبـك تعالـي بكـل سلطانـك=انا واحد لاجل غيرك ، وانـا ثنينـك ومليونـك تعالي والعمـر مـره تعالـي اعسـف احصانـك=تعالي صدري اوطانـك صعيبـه دكـة حصونـك تعالـي داوي اجروحـي تعالـي قلـب تعبانـك=وانـا والله وحـق الله انـا وكلـي يطيعـونـك تعالي وافرحـي فينـي وخلـي الكـل غيرانـك=انا شاعرك سهرانـك يمـوت الغيـر مغبونـك وكل رجـلٍ بهالدنيـا يجـي عطشـان ضميانـك=تعالي وامطري قلبـي عسـى تحييـه مضنونـك وقلبي وش ورى قلبي إذا مـا مـات باحضانـك=وش الدنيا إذا الطاري خلا منهـا ومـن دونـك وإذا تبغين ويش السـر وليـه اكتـب علشانـك=شوفي بسمة اشفاهـك وسحـر الدمـع بعيونـك صحيح إني قبل يوميـن قلبـي اذنـب وخانـك=وانا حالـف إذا غبتـي معـا طيفـك اباخونـك ولولا الخوف من ربي واخـاف احـط بإيمانـك=اقول إنـي انـا وقلبـي وكـل مابـي يعبدونـك صدمتك روعة حروفي وطيـب اعمـاق فتانـك=بـلاش اشعـار ياقلبـي إلا انتـي وشلـونـك يقولون إنك بإتم الحال سليـم احـوال وابدانـك=عساهـم فـدوة اقدامـك عساهـم دوم يفدونـك ادري نلـت إعجابـك وقولـي صحـة السـانـك=واقول صح الله ابدانك مع التوقيـع .. مجنونـك [table1="width:95%;"] | [/table1]‘، ‘، فهد خلف الشمري |
الله واكبر
الله واكبر عليك يافهد اسلم اسلم اسلم اسلم اصفق لك مع التحيّه واشكرك كل الشكر على هالنص اللي على طوله ماودي انه يخلص ابدآع يافهد ابدآع بمعنى الكلمه نص رآقي ’ سآحر ’ فآتن ’ قاتل ’’’’’’’’’’ إلخ قاف ثلاثي صدر وعجز قدره وتمكن واتقآن ونفس طويل بالشعر وسلاسه وتنسيق اروع من الروعه ابيات مكتوبه بالوان الذهب ’ مرسومه بالون الطيف والقزح انا آهنيك يافهد \ آهنيك من القلب على ابدآعك وروعتك
انا اسكـرك واصحابـك ومجنونـك وسكرانـك=اموت بثقل اخلاقـك وامـوت بروعـة جنونـك انـا مدمنـك ثملانـك سكيـر بخمـرة السانـك=وخمري اعرفه خمـري تـراه يـذوب بسنونـك دلع / فتنه / على طيبه / غنج / هاذول سكانـك=مقدس للجمال اسمـك كـان الحسـن مسكونـك الله ’ انت اللي سكرتنا يافهد ’ حنا سكرنا حروفك وثملنا ’ آهـنـيـكـ تحياتي وتقديري اخوك \ ابو صقر الشمري |
الغالي
الشاعر فهد الشمري قصيده ومعلقه من طولها اهنيك على شاعريتك وما اقول الا صح لسانك وعلا شانك ولاهنت وتقبل تحياتي |
السلام عليكم ورحمة الله وبركاته
صح لسانك قصيده جميله لاهنت |
صح لسانك
لاهنت يالذيب قصيدة جميلة وكلمات في القمة تقبل ودي |
http://www.l22l.com/uploads/bdc9ea7a59.gif الله واكبر الله واكبر عليك يافهد اسلم اسلم اسلم اسلم اصفق لك مع التحيّه واشكرك كل الشكر على هالنص اللي على طوله ماودي انه يخلص |
فهد الشمري.. نص.. به جنون حرف .....صباحات ..ومساءات ...بلون قوس قزح. ..جمر ..يتطاير ..شرر ...بل ..درر ..بل..صور شعريه ..وأفق واااسع ...مترادفات ...ومتنافرات. تدفق ....ولم يترفق ..بنا ..وبذائقتنا الكسوله. نص.. أرهقنا ..بالركض ...خلف عصافيره ...واشجانه ...وأمزانه ....ينبض حرفه ..وتزهر ..مفرداته ..بسنابل ألتأنق ...والتألق ... نص .. يكفيه ..أنك ...تلتهم ...حروفه ...لآآآخر ..قطره ...ثم تعيد الكره ...لتستمتع .. تحياتي فهد ..ودمت بخير |
اقتباس:
[table1="width:95%;"] | [/table1]هلا ابو صقر حياك الله يابو صقر ، والله يعطيك الف عافيه شاكر لك هالحضور الطيب بيض الله وجهك يامحمد ، لاهنت |
اقتباس:
[table1="width:95%;"] | [/table1]اخوي سفير المعاني الله يهنيك بطاعته ورحمته صح الله بدنك وشانك مايهون يالغالي شاكر لك هالحضور الطيب لاهنت ، بيض الله وجهك |
اقتباس:
[table1="width:95%;"] | [/table1]عليكم السلام ورحمة الله وبركاته الغالي العتيبي صح الله بدنك يالغالي الاجمل مرورك |
| الساعة الآن 05:58PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية