أذكر أني كنت مدري وين كنت = وأذكر إني ماعشقت أيّات بنت
واذكر إني جيت للعشق القديم = قال يافرحة شبابي وين كنت
قلت: مدري ليتني يمك ماجيت = وليتني قدام لا اجيك اندفنت
قال عني غبت وأظلم كل كون = قلت له : سبة غيابي عنّك أنت
قال: وش سويت بعدي يوم رحت = قلت: سالي ويم غيرك ما أنفتنت
وأبتسم واقسم وقال أنت السبب = قلت ما أذكر قال: عمرك مافطنت
قلت: تعرفني وقال: أعرفك (زين) = قاسي"ن" قلبك ولآبه يوم لنت
قلت: ظلم ومنك ربي ينتصف = ما أذكر إني في هواء الغالين خنت
قلت: وش لك بالصغيرة يا كبير = قال: قدرك فوق وأن هانوا لاهنت
قلت: والله ماشغل بالي سواك = وش مكاني دامني يمك زبنت
قال: وسط القلب تحماك الضلوع = في حياة القلب والروح اقترنت
في شموخ القلب لك قدر ومكان = من يجي لك في شموخي لاحتصنت؟
قلت له : لا هنت ياكل الشموخ = أنت ماغيرك شموخ له ركنت
وأنت حب "ن" مايجي دونه حبيب = كيف دامك نافلة عن كل بنت