دعــث النــوازي
http://up4.m5zn.com/9bjndthcm6y53q1w.../jc37ee0dy.jpg
ياماحلا تقليط صفر المباهير= في خايعٍ شوفك سرح في رحابه دعث النوازي مخفيات المخامير=تغنيك عن جرد الفجاج وصلابه وذودٍ الياغنى المغني طوابير=كفيخ صيدٍ يوم طق الغرابه صفرن كما دلم المزون المزابير= صوت الرعد يزجر عليها وجابه لاروحت كنه سرايا المغاوير=اللي عماره يجلبونه جلابه لاهوبل الراعي تتالى مقاطير=مثل القطار اللي تبع من سرابه رثمٍ خراطيمه تدلي قواطير= كنه مسابيح العجم بالطلابه جمالهن كنه جمال الغنادير=اللي يقلدن الغتر والعصابه واليا لفى الرواد معه التباشير=يذكر من الوسمي تقل نبت غابه ماطبته كود القطا والعصافير=من بعدها راع الغنم ماوطابه نبته سمك يومي بكل النوواوير=روادها من طول نبته غدابه الصبح زاعن والتوالي مصاغير=تناهبو بعض الحوايج نهابه يطون بعيد الدار طي الحوادير= لاطالة الفرجه وطرّف زهابه جلٍ تطارد مع خطات المحادير= قامت تكاهزمثل جلد السحابه قدامها يبنى المسوبع كما النير=حيدٍ يهاوزن الرمك في طنابه في ربعته ريف العرب والخطاطير=شيخٍ يفتّل للمهابه شنابه ماكنه الا عنتر الخيل والزير=اخذ من الضرغام شكل ومهابه يمه تعكى فوق عكف البواكير= مدهال شكلين العرب والقرابه على هواءالشقحاء يسوق الدنانير=يومه يروح مفرعٍ مادرابه همه الياهوبل وصارن دعاثير= كن احتياطي البلد في حسابه ساس الشريف ومصقر العز وامير=تزبن عليه بشدتك وتهقابه |
صح السانك
كان لي السبق هنا انت مبدع بما تحمله الكلمه تقبل مروووري واعجابي مقيم |
عزيزي متعب الطواله /http://www.htoof.com/vb/images/icons/A11.png
تتكسر كل الأقـــــــلام .. ..وتسكــن كل الشفـــاهـ... ..يقف الشعـــور هُنــا لساعـات طـــويله.. ..أمـام هذآ الإبـــداع .. ..أمـام روعه الحــــرف .. ..وبديـع الوصـــــــــف .. ..وأختيار الكلمـــات .. بجمالهـــا البراق .. شخصيا وبدون مجاملـــة ,,راقت لي هذه القصيدهـ الرائعـــــة والمتميزة ,, لايجيد سبكهـــا الا كبارالشــعراء شـرواكـ لاعدمناكـ,, |
صح السانك
وطاب فالك يابن طواله |
متعب بن طواله
يعطيك العافيه على هذه القصيده الرائعه والوصف الجميل صح السانك تحياتي,, |
الغالي
الشاعر متعب بن فارس بن طواله الله انه يسعدك ويوفقك بجميع اوقاتك بكل خير ولقد اسعدني ان اكون من ضمن المصافحين لهذه القصيده ذات المعاني المتنوعه من صفات والرائعه وصح لسانك وعلا شانك مليون ولايكفون تقبل تحياتي |
اقتباس:
مشكووور اخي السبيعي لاهنت طااال عمرك على مرورك هناااا وتعليقك الجميل دمت بكل خير |
ياالله حي بن طواله وحي ماجابه ..
شاعر وجزل .. أبيات غايه في الجمال والجزاله .. دمت بود ،، |
اقتباس:
مشكوووره طااال عمرك على روعة التواجد وجميل الاطراء جمل الله حالك اختي الكريمه ممنون لك كل الامتنان تحيتي وتقديري لشخصك الطيب دمتي بكل خير |
ابن طواله / والله ومليون نعم يالامير
صح الساااانك ولاهنت وسلمت ودمت وااااااافيه من راس واااااافي لااااااعدمتك |
الساعة الآن 01:19AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية