( الاهـداء للامـيـره ريـم محـمـد الاحـمـد الـسـديـري )
عادة (الريم) الوفا بنت الامـيـر = بنت شيخ الشعر وقلوب الرجال بنت من له بالفخر شأنً كبير = الأمير الصيرمي جزل الفعال كاسب الطولات والعلم الشهير = صانع التاريخ وفعالاً جـّـزال للمعالي خالقه ربي سفير = مثل نجم سهيل عالي مايطال سيرته بالطيب كالبدر المنير = عادة أهل الطيب والله حي فال ماخلق قبله ولا بعده يصير = شيخ نادر مايتكرر ذا محال جامعً مابين شر وبين خير = للـعـدو سـمً وللـصاحب زلال يكفي أنه لانوى الصعب العسير = بأمر ربه هان لو مثل الجبال مايتكبر عن كبير وعن صغير = الـتـواضع لـبـّســه قـدر وجلال الشجاع الشامخ السيف الشطير = طيب فعله مايبي أدنى سؤال والله أن الشعر ( بمحمد ) بخير = والله أنه مايـّوفـيه الخـيال لو أجيد الوصف هـذا الوصف غير = كيف أبوصف من غدى مضرب مثال أعـتذر له حب عـفواً ياكبير = الكبار أكبار ولله الكمال العزى بعـيال هالشهم القدير = وأنتي أوفى يارهب مابه جدآل والبقاء بالحي يابنت الامير = ياكريمه من كريمين الخصال نطلب اللي يجبر العظم الكسير = ربنا المعبود يوم جالي مجال هالـفـقـيـده جعل مثواه الاخير = في جنان الخلد خـلـدً لا يـزال " " |
هيه ياللي هيه مّـنك تيقض العقل النبيه = أيه وأنتي بكل جــداره شاعــرة هذا الزمان
كيف لا مدامك أنتي بنت من نعتز فيه = ينحني التاريخ لاسمه والشعــر لاسمه مـُـدان "
حي الله اللي نفتخـر فـي أبوهـا=ماظنتي يطلع أحـد يسـد بمكانـه حـاز المكـارم والشّـيـم كلبـوهـا=وبيوت شعـرً كـدرر مـن لسانـه له سيرةٍ مثل الذهب لعرضوهـا=أهل الحظوظ اللي تحفظ الامانه توارثـوهـا بيـنـهـم مـادرسـوهـا=ولا شوهو اهل الدسايس لعانـه عــن كــل مايعـذربـه نـزهـوهـا=رمزً شمخ في نجد ياكبر شانـه " |
منصور الرويلي
حضور في المقعد الاول صح لسانك على هالدرة الثمينة كتبت وابدعت لمن استحقوها الله يرحم الأمير الشاعر والله يطول في عمر الأميرة الشاعرة عناقيد من الشكر لك أسيرالآآآه |
حي الله اللي نفتخـر فـي أبوهـا=ماظنتي يطلع أحـد يسـد بمكانـه حـاز المكـارم والشّـيـم كلبـوهـا=وبيوت شعـرً كـدرر مـن لسانـه له سيرةٍ مثل الذهب لعرضوهـا=أهل الحظوظ اللي تحفظ الامانه توارثـوهـا بيـنـهـم مـادرسـوهـا=ولا شوهو اهل الدسايس لعانـه عــن كــل مايعـذربـه نـزهـوهـا=رمزً شمخ في نجد ياكبر شانـه . الله الله على الروائع الجزلة من شاعر نعتز ونفخر به صح لسانك ابو نايف والشاعره رهب تستاهل شاعره بنت شاعر يرحمة الله ـــ |
الغالي
الشاعر منصور الرويلي الله انه يسعدك ويوفقك بجميع اوقاتك لمافيه الخير اسعدني مروري على متصفحك ومصافحة هذه القصيده الرائعه المهدات للاميرة ام نواف وبداخلها من صفات حميده ومجيده لوالدها محمد الاحمد السديري رحمه الله وغفر له واسكنه فسيح جناته امين يارب العالمين وصح لسانك وعلا شانك مليون ولا يكفون تقبل تحياتي |
أنــثـى عــظــيــمـه ؟
.
أسمً لمحته ذات معنى وقيمه = لا والله الا له أجلالً وتعظيم صحيح أنثى بس أنثى عظيمه = الله وهـبكِ وعلمكِ دون تعليم الـحــر يــّرث ياكـريـمـه كـريـمـه = وأنتي كريمة حــر فوق المفاهيم لا يزعــلك فعل العقول السقيمه = أنتي بعيني غيمه وبارق وديم الصمت بعض أحيان طيب وغنيمه = وأحيان كنه سلهمات وترانيم لك أعترف بعض الخطايا عظيمه = الضيف صدري والخطايا معازيم جرحي بروحي نار تحرق هشيمه = وعروق قلبي يابساتٍ من الضيم ذنب أقترفته من غبايه جريمه = ذنب أقترفته ماله أسباب ياريم لو الخفايا والنوايا سليمه = أخذت قبل الذنب ركعه وتسليم ماجبت ذنب ولا ذبحت التميمه = ولا شح غيثٍ بالسما وانجلى غيم . . |
أسير الـ آآآه شكـراً لـرقي فكـرك وذائـقـتـك دمـت بروعـتـك وجمال حضورك |
::
ابيات اكثر من رآئـــــعهـ صح لسانك ويعطيك العافيه تستاهل ام نــــــوآف كـــل خيــــــــــــر لاعدمنــــآك.. |
الغالي الفلاحي
أسعدني وجودك في متصفحي المتواضع لك جزيل الشكر مع فائق التقدير . |
الشاعر منصور الرويلي
صح لسانك وعلا شانك تستاهل ام نواف ورحم الله والدنا الامير محمد السديري واسكنه فسيح جناته وجميع المسلمين تقديري مشاعر .. |
الساعة الآن 05:55AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية