ياوجودي وجد من غطو عيونه = بالصفاة وحولة الناس ملتمه
جابه السجان والناس يتلونه = والبلا انه حاظرينه بني عمه
والبيان اللى على الخلق يلقونه = وايقن ان الموت من قبلها طمه
عجزو شيوخ القبائل يفكونه = كل هم يصغر اليا ذكر همه
ماوراة الابنيات يبكونه = وامهن من شدت الخطب منسمه
... وأمة اللى منه بالحيل مشطنونه = وامنيتها قبل مانفذو ضمه
وايقن أن الحكم لابد يقظونه = والبلا في وأحد طالب دمه
ويوم قالو عتق صاحو يخمونه = وكن شي بين الاضلاع قد خمه
أتوجد لامة دوم مطعونه = أمة الاسلام ياناس مغتمه
الجسد مجروح والكفر يفنونه = والتخاذل بامتى وصل القمه