البارحه ماني من الناس والحي=والحي كنه والبشر صورة اشباح
كن المدينه والمباني ولاشي=وكن الفضا مافيه للطير مسباح
حتى الهوى والمي ماعاد هو مي=خيًم ظلام الكون لو فيه مصباح
اواه ياحزن(ن) كوى خافقي كي=كن الصدر مطعون في ضربة ا/سلاح
على الذي غابت عن الدار والحي=حزن(ن) نهار اثنين للقلب مجتاح
لو العيون بصافي الدمع تكفي=هلت عيون الحزن بالدمع سفاح
لكن دموع العين ماعاد تشفي=ولاتنفع الاحزان في ماضي(ن) راح
ماضنتي منها مع الناس تمشي= اللي وقف جلبابها مابعد طاح
لين احتواها اللحد من فوقها طي= الحافظه والساجده دين واصلاح
يالله ياربي عسى قبرها في=ومد النظر ياخالق الروح ينباح
نظرة رضا واكرام ياغافر السئ=واكرم نزلها وسط روض(ن) وتفاح
وفي جنة الفردوس عن لاهب الضي=بالدر والياقوت والمسك فواح
وهذا القدر بالخير والشر مرضي= وحكم الولي مكتوب لو طرت بجناح

يالله يـــاربــــي عــــســــى قــبـــرهـــا فــــــــي
ومــــد الـنـظــر يـاخـالــق الــــروح يـنـبــاح

نــظــرة رضــــا واكــــرام يـاغــافــر الــســـئ
واكــرم نزلـهـا وســط روض(ن) وتـفــاح

وفي جنة الفردوس عـن لاهـب الضـي
بـــالـــدر والــيــاقـــوت والــمــســـك فـــــــواح



اللهم آآمين ..
ربي إرحمها وأرحم أموات المسلمين جميعااا..
الوفاء للميت والدعاء له وذكره بالخير..
من شيم الطيبين الصالحين..
صح لسانك ياطيب..
جمعك الله بأحبابك في جنات الخلد..
أرق تحيه..

وفي جنة الفردوس عـن لاهـب الضـي
بـــالـــدر والــيــاقـــوت والــمــســـك فـــــــواح
وهـــذا الـقــدر بالـخـيـر والـشــر مـرضــي
وحكـم الولـي مكتـوب لـو طـرت بجـنـاح

اللهم آآمين

الشاعر فهد الفريدي

حرف مكلوم المعنى ، ونبض مسطر الآلم وفقد مفجع لا عودة بعده

هو الموت لا يخيرنا ولا يخبرنا بمن تقع ورقته

مستقرها الفردوس الاعلى