ليست سامرية ...
بسم الله .. تقرأ بالضاد .. صباحكم شعر للبراويز العتيقه / للهوى / للعاشقين = للأماني / للأغاني / للزهور المخمليه للتباريح الحزينه / لإنتكاسات السنين = للجروح النازفات / من طعونٍ داخليه للتصعلك في زوايا الطاهرون الطيبين = للأمل بعيون صابر في ليالٍ سرمديه للبياض في قلوب التائبون المؤمنين = للقفار البيد / ياخد الصحاري الجرهديه للرغيف من السنابل ياشقاء الزارعين= للنوارس يوم ترحل في دموعٍ ساحليه للنقاء بقلب طاهر يطعنونه حاسدين= للطفوله تقتحمها معركه مو عسكريه إبكهم مركب ضميري ولاتبيح بالانين = اكتب اكتب لين تقرأ قصتك في مسرحيه يَعتريني الضِيقُ حُزناً كُلما صاحَ حزين=هوَ لا ضَعفٌ ولكن لإعتبارتٍ خفيه يكتبون الطيش حُباً في تملق كاذبين = يلبسون الشعر عارً / ذاك من شر البليه يركبون من الوسائل للتواصل مترفين = فإجتماعات السوالف شوف (كم اعرف بنيّه)..!! لاهدف واضح معالم شرذمه من تائهين= لا فكر يحمل أحدهم لا ولا همه قضيه الهوى أطهر من الماء في قلوب الصادقين= آه منكم آه فيكم آه وش تملك يديّه كم ضحك وجه المعنى وداخله همٍ دفين= كم رحل يبحث عليه وعادت ايدينه خليّه لو كتبت الشوق مره قول من زود الحنين=لو كتبت الحب مره أسف إن كانت خطيه ماكتبت الشعر صيّت في دفاتر مبدعين = لاولا أكسب وجاهه / ما تقدمني / عليّه كل ما بالأمر إني أكتب إحساسٍ رزين = لا رحل فكري إليكم / للغضى / للشاذليه ما تحيزمت المصالح في دروب الراحلين = أجبر الخاطر ولكن ما بقى فيني بقيه في بلاد من الحنايا العوج جرح وطعنتين=بالمتون الفين طعنه لكن عزومي/ قويه روح سافر ياصديقي واترك المثخن سجين=روح سافر لايهمك لو يهيجن سامريه..!! يعشقكك ألفين مره ماكتبلك ذات حين = الهوى الغربال شاعر / قيس وأنتي العامريه كيف يكتب عن شعور الحب وغيابك مكين = في حضور الروح وغياب السوالف .. ألف .. ألف ألف كيه تقديري لا سواه .. |
لاهدف واضح معالـم شرذمـه مـن تائهيـن لا فكـر يحمـل أحدهـم لا ولا همـه قضيـه الأحنف ماشاء الله تبارك الله عليك قصيدة أعجبتني كثيرا ولامست وجداني ومشكلتنا منا وفينا لابد أن نصلح أنفسنا قبل كل شيء لاهنت أقولها لك من كل قلبي تحياتي باريسي |
الغالي
الشاعر الاااااحنف الله يسعدك ويوفقك بجميع اوقاتك بالخير اسعدني وسرني مصافحة هذه القصيده الفاخره بكل ما تعنيه الكلمه من معنى شعر مرتب له ثقله ومفردات جميله وما اقول الاصح لسانك وعلا شانك تقبل تحياتي |
اقتباس:
حياك الله اخوي الشاعر الاحنف صح لسانك على الابيات الاكثر من رائعة صور شعرية هادفة وواقعية ذات جمال مبهر في المعنى والاسلوب يعطيك دوم الصحة والعافية تقبل مروري..... |
يكتبـون الطيـش حُبـاً فـي تملـق كاذبيـن
يلبسون الشعر عـارً ذاك مـن شـر البليـه هنا حقيقه واضحه وكافيه يركبـون مـن الوسائـل للتواصـل مترفيـن فإجتماعات السوالف شوف (كم اعرف بنيّه) قمة السخريه ما تحيزمـت المصالـح فـي دروب الراحليـن أجبر الخاطـر ولكـن مـا بقـى فينـي بقيـه الاحنف قصيده رائعه واكثر انت شاعر متمكن اتمنى لك التوفيق صح لسانك تحياتي |
دائماً حرفك ينثر شذاه على أرواحنا ..
أنيق الحرف أيها الراقي.. |
المبدع الاحنف
صح ألسانك على هذا العقد رائعه لاعدمناك |
صح السانك
وعلا شانك تقبل مروري |
صح السانك ولاهنت
تقديري |
الساعة الآن 07:29AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية