أسعد الله أوقاتكم

مرّة وأنا ببداياتي

اشتركت بمسابقة للسامر

جاب بيت وطلب نكمله

فكانت هذه القصيدة

تنثر شتاتي بروس الرّمش وآلمّه=على مطاف العيون أحرمت باحرامي
الجادل اللي لها الأنظار ملتمّه=لامن بدت يخطر المرمي من الرّامي
من شافها ظاع فكره و أخلف اليمّه=أفخت طريقه وجنّب والسّنع شامي
طفلٍ زها الزّين من كمّه اليا كمّه=زملوق غارٍ عليه الغيم مترامي
عن ذاري النّود كنّه للجبل ظمّه=وعن واهج الشّمس راس الظّلع له زامي
ان كان للزّين عمٍ فالغظي عمّه=يقوم لا أقبل لو انّه ما بعد قامي
من شاف نجله لكنها حلّلت دمّه=تغظي بعكشٍ تخجّ القلب بسهامي
همّ الخلايق وظنّي ما حدٍ همّه=من ورد عدّه يردّنّه واهو ظامي
أهيم في هرجه اللي عمدْ ما تمّه=هو به حدٍ يسمع عذوبه ولا هامي
تمشي وَحَدْها وأنا في ذمّتي ذمّه=انها وَحَدْها تغيب وتجذب الهامي

المشاركة الأصلية كتبت بواسطة مبارك بن محيا (المشاركة 384644) أسعد الله أوقاتكم مرّة وأنا ببداياتي اشتركت بمسابقة للسامر جاب بيت وطلب نكمله فكانت هذه القصيدة تنثر شتاتي بروس الرّمش وآلمّه=على مطاف العيون أحرمت باحرامي الجادل اللي لها الأنظار ملتمّه=لامن بدت يخطر المرمي من الرّامي من شافها ظاع فكره و أخلف اليمّه=أفخت طريقه وجنّب والسّنع شامي طفلٍ زها الزّين من كمّه اليا كمّه=زملوق غارٍ عليه الغيم مترامي عن ذاري النّود كنّه للجبل ظمّه=وعن واهج الشّمس راس الظّلع له زامي ان كان للزّين عمٍ فالغظي عمّه=يقوم لا أقبل لو انّه ما بعد قامي من شاف نجله لكنها حلّلت دمّه=تغظي بعكشٍ تخجّ القلب بسهامي همّ الخلايق وظنّي ما حدٍ همّه=من ورد عدّه يردّنّه واهو ظامي أهيم في هرجه اللي عمدْ ما تمّه=هو به حدٍ يسمع عذوبه ولا هامي تمشي وَحَدْها وأنا في ذمّتي ذمّه=انها وَحَدْها تغيب وتجذب الهامي