|
أحيان
البارحـة شوقي حدآني على .. حـي= ... إشبيليـــا .. كم لي وأنا نفسي الـقـآك كل بنت في حيّك تقول أنها هي = عيني .. وشف عيني كثر ما تمنـــــاك هي ذيك لا هاذي إهي .. ذيّ .. لا ذيّ = واهم و ليت اللي تذكرك ينسـاك و إدركت إن الآدمي لابغـى شي =مايـقدره ..يرضى بدون ايـت أدراك يرضى يعيش بحلم ويصدق الغـّي =ويشوفها في عيون ذولا وذولآآآك زي الغريب ونظرة عيونها زيّ =وطـن وأنا عايش على خبـز ذكراك احـيان احس إني بدونك .. ولاشي = واحيان احس إني ولاشيء ويـاك تعبت أحبك .. وأكرهك ..وأرسمك فِـي =من الهجير ونار شمسـك و صحراك تعتب تطويني دروب الضمــا طي =أرجوك .. راجيك .. أرتجيك .. اترجـاك جيتك وخليت الضما واردن مـيّ =متى أرتوي تكفين مره من اشفــــــــاك جيتك بقايا أنسـان ماظنتي .. حي = تعبت تزعلني وأنا همي أرضـــاك على الرصيف مــقابـلـن بيتك .. شويّ =واقف هنا وشوّي واقف لك هناك كل الرياض أتنام وأنا تحت ضيّ =نور الشوارع وأنفض غبار فرقاك لك ليلة البارح .. تنامي . وأنا لي= أسهر مقابل غرفتك تحت شبآك ت كل ما امشي واتقدم لي مسافه أكتشف إني مكاني مامشيت فيني شيء عليه اخاف وشي اخافه ومني أكذب ومني أصدق مالقيت ملحق الحاجة اليا راحت حسافه نوب ماتسوى ولكنـي ضريت أشكر العمال عمال النظافة نضفوا أوساخكم شارع وبيت يابرستجيك على بالك ثقافه ماتشوف وماسمعت وماحكيت أكثر الخيرة ترى في اللي تعافه نفسك وشكلك على نفسك جنيت قف أنا مواطن وإذا فيها كلافه لاتجي مسؤول تآكل ماعطيت كان في هاذي على الشيحي لقافه شعبنا ملقوف كانك مادريت وداعا |
الغالي الشاعر معدي طويق الله انه يسعدك ويوفقك بجميع اوقاتك بكل خير ولقد اسعدني ان اكون من اول المصافحين لهذه القصيدتين الرائعتين بما تحملانه من شعر ومضمون وما اقول الا صح لسانك وعلا شانك مليون ولايكفون همسة الغالي اخي معدي فرحنا بك وبتواجدك وبنزفك صدقني ان الكل سوف تجدهم اخوه واخوات لك فانت شاعر جزل والكل يتمنى ان لاتكون لك هذه الا البدايه وليس عكسها ولك منا جزيل الشكر وفقك الله ودمت بخير وتقبل تحياتي |
الشاعر معدي طويق يستلهم القصيد روحه من وجوه وذكريات لله در الاحساس هنا وحياك الله رفيقا" لـ للشعر ونخبته هنا انحناءة ياسمينة :r: |
معدي طويق .. اسعد الله روحك الله عليه ..من نص .. والله عليه من معنى .. والله عليها .. من اضواء ..ودروب .. وشبابيك .. ورصيف انتظار هنا شعر .. وكفى تحياتي ..ودمت بخير |
يسعدني أن تكون أول المتصفحين
دام أخواك وشكراً على الثناء أسعدتني الله يحفظك تبقين يازهرة الياسمين وتسلمين شكراً جزيلاً الله يسعد روحك وتسلم والله عليك أنت ياشوق البنت ودمت ودام أخواك أسعدتني |
..
صح لسانك يا معدي و لاهنت ابد حضورك يسعدنا كثيرا دمت كما تحب |
معدي صح لسانك وعلا شانك شاعرقدير ومميز تشرفت بالمرورشاعرنا القدير وفي انتظار المزيد من ابداعاتك تحياتي لك . رهب |
صح لسانك
شاعر مبدع و جريئ تحياتي لك |
ريف المنيف صح بدنك
وجودك يسعدنا لابد من صيغة الجمع ودمت كما نحب أو تحب |
لاهنت يابن محيا
من ساجر ولا من حيد قريب ولا بعيد لم يكن إلا خيال شرهتك على اللي يعرف حي اشبيليا شرق ولا غرب شكراً على وجودك يابعد جدودك |
| الساعة الآن 12:46PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية