لضاق صدري ياللي توحون غنيت=جريت صوت(ن) على الطاروق فناني
صوت(ن) جريته وبيّح كل ما اخفيت =هني خبل(ن) ماذاق حر ماجاني
وان كنت ضايق بقول اني تسلّيت=بدله النفس تالي الليل وحداني
واطري خليل(ن) عليه الشوق سميت=خل(ن) بقلبي نزل وحط مسكاني
خل(ن) من شانه نحل حالي ووليت=كله لعينه ماهوب اليوم من شاني
اقفى وقفّى وصافي الدمع هليت=تزاغر دموعي ودمع العين برهاني
قفّى وانا ارجي ياليت يعود ياليت=اسهر واجامل ماابيه كان ينساني
شلعت قلبي شلعته يومك اقفيت=ارجع ورفبي تراه مات شرياني
ياقو قلبك ياقلبي يوم صديت=الله حسيبك حبيبي كيف تجفاني
يامنوة القلب حلمي لو تمنيت؟=من قطر ريقك تراني حيل عطشاني
واعرف مادامه يحج ويقصد البيت=ومدامت الشمس تشرق فوق الاكواني
والله ما انساك مامره تناسيت=ولاهوب طاري لي لين ازور جداني