وش ينهض التنهيد من صدري ويشيل = مالة على الزفرات حتى استطاعة

يا عبرة فاضت من الحمل الثقيل = تجملي يا العين حولي جماعة

عدال تشمت بي ادا دمعي يسيل = مالي على فرقى الولايف قناعة

حكم الزمن ختم جوازات الرحيل = زادت لواهيب الصدر واللتياعة

بي لمحة المحزون والطفل العليل = خانت تعابيري وصوف الشجاعة

من مات في برزخ وربي له كفيل = مير البلا موتٍ يجي كل ساعة

عبرات فيني تخنق الصوت وتحيل = مالي على فرقى المقفي شجاعة

من عقبهم يا سعود ضيعت الدليل = عطيتهم يا سعود فكري وداعة

ماني من اللي بدل بحبة خليل = ولاني من اللي يشتري شخص باعة

بس الحقيقة خافقي صبره بخيل = يحزن على قدر الجفى والقطاعة

بمحى اثر ودة ولا ابي له بديل = هجرة لغى كرت الغلا والشفاعة

احترت في طبعة وعلمي بة اصيل = ماهي على النيات تعرف طباعة

ظاقت ظلوعي بالنفس زفرة طويل = اسحب تناهيدة بحبل البراعة

اتصنع القوة على ضروفي واميل = ميل النخل حزت وجوب اقتلاعة

مادام قفى معتلي صهوت الليل=سوقي بعيرك للفضاء وتساعه
مرت علي يالجوهره طفحت الكيل =وخليتها من باب شيمة قناعه

المشاركة الأصلية كتبت بواسطة فهد سالم الفهاد (المشاركة 229678) الجوهره صح والله لسانك نص جميل تألقتي فيه بتمكن رائع والتصوير كان جميل في النص دمتي بهذا الابداع ولك فائق التقدير ودمتي بود

المشاركة الأصلية كتبت بواسطة فهد الفريدي (المشاركة 229696) صح السانك واااااااافيه من راس واااااااااافيه لاعدمناااااااك

المشاركة الأصلية كتبت بواسطة عبدالعزيز محمد الشلوه (المشاركة 229717) مادام قفى معتلي صهوت الليل=سوقي بعيرك للفضاء وتساعه مرت علي يالجوهره طفحت الكيل =وخليتها من باب شيمة قناعه الله الله كم هذا النص رائع اشكرك اختي على نثر قلمك صح السانك وصح بوحك اختي الجوهره اعجبتني مصافحة قصيدتك الشامخه فكتبت بيتين مجاراه امل ان تحوز على رضاك تقبلي مروري وسجلي اعجابي