جيت ولقيتك غايرهْ كلّك عْتاب=ومعذور من يرضيك لو فيه مابه
عزالله إن بالقلب لك منفتح باب= وربّي لغيركْ عزوتي صكْ بابه
وجيتكْ وأنا قدْرك معي أهلْ وأحباب= ولقيت بك كلّي وكلّي بقابه
ياما وياما خاب ظنّي ولا خاب= بك يابعدهنْ كل ظنّي حيابه
والله خلقْ لكن فرقْ بين الاصحاب=لو إنّها في بعض الأشياء تشابه
إنتي لْحالك من بعيدين وأقراب= وإنتي من اللي منوة اللّي لقابه
إنتي ملاك الزين والطيب بكْ طاب=وإنتي حنان القلب وإنتي عذابه
في نورك إنتي لاظهرْ نورهم غاب=وإنتي غذاء للروح وإنتي شرابه
إنتي من الله كل مافيك جذاب=لو أكْتبك يعْشقْك حرفْ الكتابه
إنتي قصيده فيك بحر الهوى ذاب=وأحلا المعاني فيك إنتي حلابه
وجيتكْ بْمعنى حبْ لو شبْت ماشاب=دام إن شباب العمرْ إنتي شبابه

..


..


..


..