|
العيد قرب وين الهديه
اهداء لاحباب قلبي
[table1="width:95%;background-image:url('http://www.rhb-reema.com/vb/mwaextraedit2/backgrounds/28.gif');"] | [/table1]غطرفي يا قوافي والمعي يـا سيـوف افرحـي يـا بـوادي نجـد وتلالهـا رش يا عيد عطرك من قزاز الحـروف وانثره في بشـوت العيـد ورجالهـا كل عام ٍ وعيني في غلاكـم تشـوف فرحـة العيـد للـشـاري وكيّالـهـا اقضي العيد قرب مخضبـات الكفـوف والعيون النواعس حض مـن طالهـا باشري يامعازف فن ضـرب الدفـوف يا عسا روح روحـي ينشـرح بالهـا اطرقي باب قلبي واقلطي يـا هنـوف وادركي نفس محبوبـك بـرا حالهـا زلزلي شاعر ٍ يطـرب لهـزّ الكتـوف واصلـي ليلـة المسحـوب وهبالهـا صفقي يا مشاعر وارقصي يا عطـوف واسمعي يا عـراص الارض خلخالهـا القوافي تغـرّد والمشاعـر ضيـوف والحنايـا تغـازل فيـض زلزالـهـا المدامـع تغنـي والمحاجـر كهـوف والعبايـر تــرازم نــوّ همّالـهـا تقهرين الجمال وعين ربعـه تشـوف والمحاسن من اجلك خّلـت اشغالهـا من زكاة المباسم وزّعـي للضعـوف يغفر الطـرف للبسمـه مـن افعالهـا نضرة العين تذبحني وتقتـل صفـوف وغمزة الرمش تشرحلي عن احوالهـا قام قاضي الدلع يشكي لشيخ الضروف لكـن الحـرّ الأجـدل قبلهـم شالهـا وصل قدره بقلبي لين حـدّ السّقـوف يا مخازن خفوقـي رصّـي احمالهـا المعاليق تبني من ضلوعـي رفـوف والشراييـن تنشـز عـرش منزالهـا لو بدا الغدر حربه واعلنه بالكشـوف للوفـا فيـه حكمـه عندنـا قالـهـا هالزمن عاد فيه الودّ عـدة صنـوف والـردى والخيانـه غصـب نغتالهـا من جليد العواطف سرت له فرو صوف ومن هجير الصبابه عشـت بضلالهـا ريحة المسك والعنبـر ونفحـات دوف والمعتّق وريحـه فـاح مـن شالهـا لو تجي منية المفتون حسب الشفـوف كـان دينـار حبـي صـاب مثقالهـا يوم جابت لي الذكرى حسين الوصوف صاف قلبي وعصر العيـد غنّـا لهـا |
ياللي بغيت تعود ماعاد يمديـك
من عقب حال العذل بينك وبيني انته تظن القلب هاويك باغيـك يومن وقتك صايرن لك معينـي العام امد يداي بالوصل راجيك وانته تمد العذر دون اليدينـي نسيت وقتن كنت انا فيه مغليك اللي معه قضيت حلو السنينـي عساك للي وقت حاجتك يشقيك ياللي عليك الناس متهافتينـي او عل دنيا عشت فيها تعنيـك والله يسلط فوقـك الاقربينـي ولعل فالك في همومن تصاليـك ولا رحاً تصبح بعدها طحينـي او عل تفقد غالين لك مقديـك اللي علاك ارحم من الوالدينـي تبكيه حول وترجع الناس تبكيك وتزيد عشر اعوام عقبه حزيني وتعيش محدن في حياتك مسليك ويطول عمرك قرن بعد اربعيني تذوق هم وغم محدن مراعيـك الا المرض والجوع متقارنينـي وتموت محدن دارين ويبكيـك وتدفن بقاع مجدبن له سنينـي |
صح السانك..........يا
متعب عقيل علي القصايد الجميلهتقبل مرووري س ع و د |
كلن ينام ويهتني في منامه وأنا أتقلب ضايق البال منحاس
على وليف سم حالي غرامه ذاله ثلاث شهور مارد لي راس مدري وري مظنون عيني علامه مدري زعل ولا سمع هرج بلاس ياصاحبي هرج العواذل ملامه تسببوا بفراق واجد من الناس مابيك تسمعهم تحوش الندامه ونا عطيتك من ضميري بلا قياس أيامنا البيضاء عليها جهامه ونور القمر يجلي عن الليل الأدماس في شوفتك قلبي تحقق مرامه واللي بغيته ياعشيري على الراس |
سر ياقلم وأكتب ببيض القراطيس من در خفرات المشاعر والاحساس
بيوت شعرن من بحور الهواجيس نقيتها من بعد خمسين هوجاس تشرح مدى صدري عن الهم وبليس وتفرج لقلبن فيه ضيقة ووسواس من بعد ماهبت هبوب النسانيس وال غيض راح وجاء للامطار عساس وتكاشفت بيض البروق المتاريس من وبل نو(ن)تحتري شوفة الناس وبل سحابة غيث رمث الطعاميس اللي عروقة من ثرى العام يباس يفرح لهمالة بناخي دهيليس راعي البكار اللي ورثها على ساس ويفتر لة من لايحب الغطاريس اللي هوى بالة مع الطير قرناس نسل الحرار اللي بقربة نواميس وغيث الضعيف اللي شكا الضيم والياس وزبن الدخيل اللي جيوبة مفاليس لاواجهه يلقى لشرواه مجلاس في مجلسن مال الردي فيه تكريس شيخن رفيع المستوى شامخ الراس قرم الجموع وشيخ رووس السناعيس اللي على العايل عقوبة ومطماس زيزوم ربعة يوم راس الردي ديس في ساعة تنعت بها قب الافراس أقفى ورى قومن تحوف التضاريس تغانموا من نقرتة دق الالعاس وأضوى عليهم دون صرح ومقاييس يوم أنصبولة في القى رمي الاقواس وغدالهم ضرغام سود المعابيس ودارو علية وذبحوا منه حراس ورد الرعية والحق الضيم للهيس وخلا ملايحت السبايا لها أنكاس وأنا على المعنى كثير العساعيس قوي باس ولاضعف فيني الباس أساير الايام وأحتاط وأقيس ولا أسمع ولا لديت في هرج بلاس أجنب اللي عشرتة لحية التيس اللي شواربها ليا مست أداس سوالفه قشر تجيب النعاميس مايتعبة في سكتة غير الانجاس آخذ من الدنيا والاقدار تدريس والعلم لاجاني طبعتة بقرطاس ما أبحث وأدور علم ليلى وبلقيس ولاهمني ماقال دايس ودرباس أحرص على طيبن ورثتة بتأسيس من ساس شيبانن تعد الكرم ساس |
صح لسانك وعلى شانك أخوي متعب
قصائد رائعه وكلماتها عذبه ... أتمنى لك مزيد من التقدم والإستمرار وأنتظر منك جديدك فأنت مبدع .. دمت بكل خير... إمـــــرأه حـــــره |
الله الله أخي متعب
بالفعل كلمات تطـــرب لها النفس صح لسانك وعلا شأنكـ ويسلمووو على الهديه الذوق تقبل مروري ودمت بكل الخيررررر \ \ العطـــــاويه |
[table1="width:95%;"] | [/table1]هلا وغلا امراه حره هلا وغلا العطاويه منورين الصفحه صحت قلوبكم واناملكم الصادقه وللصدق انني لم اكتب القصائد ولكني على قولتهم لطشتها من احد المواقع لاسباب لاادري ماهي هي ومروركم الكريم زاد البهجه والسرور على صفحتي وهذا المهم ارحبو تراحيب الأمطار |
| الساعة الآن 01:44PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية