همـهـمة خيــل,,
اتمنى تقبلونها,,,
البارحه هبّت على صدر الشقا نفحات ويل=وأشعلت من برد التجافي سمرةٍ شبّيتها لعل تدفابي عيوني بالسهر عقب الحصيل=وحطَبْت اهدابي غضى من نظرةٍ منّيتها مابقالي غير ملّه قاعها الجوف الصميل=اللي يورّث من رماده كيةٍ هلّيتها قيض الأماني شمسها يلفح سمومه بالمقيل=في راحة الطرس المعني كلمتي خطّيتها لعلها ذكرى ليالي بالورق عقب الرحيل=واحب خشم القافيه وا فز لا حيّيتها أو علها صوتٍ حدا نادى لمغترتٍ اصيل=تلفي مدام الصوت كفاً يمّها مدّيتها وش حيلتي ياهمهمة خيلٍ أجاوبها عويل=كلاً يغني مالقى وانا بشقى غنّيتها أيه يااْبها جيتلك عاشق مع صوتي بشيل=عاني اسابق لهفتي واقدامي لك عنّيتها خذي خيالي مع سحابك وامطريها بالجديل=في سودتك ياعلّي انسى فاتنه حبّيتها قد جاتني ليله أشم انفاسها نفحات هيل=وغنّيت ياحيف الشفايف كان ماقهويّتها وسهى خفوقٍ فاحت ادلاله عليها ذات ليل=وانا على صالي المباسم ليتني مارْكيّتها اداعب الجيد المعطّر ريحته كوكو شانيل=ياويل غيّي لعاتقٍ اساوره فلّيتها ياوجد عرقٍ قد ذوا غصنه من الهم الطويل=ِشعري لمسمعها بكى قيفانه وبكّيتها ماخذت حرفي تسلية خاطر اغنّيها عليل=مدام لا ظاقت فجوجي ركّعتي صلّيتها ياطول مشواري انا طرقي أبي ظلٍ ظليل=أزبن على شجار الرجاوي وآتفيا ليّتها محداً يخفّف سجّت الملتاع يالجرح الدخيل؟=حتى الورق كفّه من حروف الندم حنّيتها فقدت نعمة ماستي مع سجع صوتٍ للهديل=ذاك الضحى يوم الغنايم من يدي ظلّيتها دريت مال الحب لذّه غير فالوصل البخيل=لو مرّها يصفى سعاده كان ماهذريتها ذيك المحبّة ماتموت ولو بقى صبري قتيل=حتى المشاعر لو بكتنا رحت ماعزّيتها |
صح لسانك اخوي
لاهنت ع القصيدة الرائعه |
الله الله ..
فهد مفلح . صح لسانك حتىآ ترضىآآ ../ كل بيت سهمًِِِ في الصميمٍِ .. لله درك .. ودي |
ابومفلح
صح ألسانك صح ألسانك صح ألسانك قصيده جزله تعانق الغمام لاعدمناك تحياتي لك |
الله الله على الفاتنه يبو مفلح
صح الله لسانك وصحيت وماتهون قصيده جزله ورائعه واهنيك عليها تحياتي اخوك \ ابو صقر الشمري |
[table1="width:95%;"] | [/table1]فهد مفلح صح بوحك ولاهنت تحياتي... |
الغالي
الشاعر فهد مفلح قصيده تحمل معنى وجزله من شاعر جزل صح لسانك وعلا شانك ولاهنت تقبل تحياتي |
السلام عليكم ورحمة الله وبركاته
صح لسانك حتى ترضى لاهنت |
فهد مفلح للشعر والفكر والإبداع أُناس وأنت منهم دام فيضك |
. . دريت مال الحب لذّه غير فالوصل البخيل لو مرّها يصفى سعاده كـان ماهذريتهـا مبدع في كل حضور لك يابو مفلح والله صح لسانك ومبطين عنك يااطخم :) . . |
الساعة الآن 04:08PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية