مالقيتك بـس .. يومنـي لقيتـك=جيت باحزاني ابـي مركـب نجـاه
واحدٍ لاجيت طاري ثـم : طريتـك=حيّر الشعـار ، وعقـول الـرواه
من غيابك وانت خابر وش جنيتـك=آدمي مظلوم فـوق أكبـر صفـاه
ودني لك لابغيت احيـا ، وجيتـك=والوصّل جددّ معي تكفى ! ولاه !
والله اني من غلات إسمك حييّتـك=والشعور إنسان انت امّه وابـاه !
ووالله اني لابغيت اسـري سريتـك=ولابغيت الصدق حتـى فالصـلاه !
اذكرك ، واستغفـر الله مانسيتـك=عالي قدرّك ، ولايٍلحق مداه !
وإن ذكرت الحيّ وإلا بـاب بيتـك=آتحاشى فالصدّر مليـووون آآه !
إن كتبتك في شعـوري ماقريتـك=وإن قريتك طرّت للشعـر وسمـاه
وإن شربتك طول عمري ، مارويتك=وإن سهيتك جيت في كـل اتجـاه
وفي منامي لابغيت اغفى غفيتـك=يالطموح اللي بنى قصـر الحيـاه
والغياب إن جيت في بالـك فديتـك=طالبّك قلي ، وش اللي لـك وراه ؟
ويوم جيتك ، وآخر دروبي لقيتـك=جيت باحزاني ابي مركـب نجـاه !