|
-أبوبشت والمرتزقه-
بسم الله الرحمن الرحيم السلام عليكم ورحمة الله وبركاته كما عودتكم على جديدي من القصيد يسعدني ويشرفني أن قدم لكم هذه القصيده الفكاهيه الواقعيه والتي تتحدث عن نفسها وهي بعنوان ( أبوبشت والمرتزقه ) وأقولكم ترقبوا القادم والقادم أقوى يا أحبائي وتقبلوا تحياتي،، مليت من شوف الوجيه المغمه=اللي بلبس البشت صارت تجمل لولا الدراهم ماحدن صار يمه=وأهل المصالح للدنانير تنذل والشاعر اللي مدح ابوبشت همه=يمدح وهو في فعل أبوبشت يجهل من شان شلقة مال خلاه قمه=عسى لسانه عقب ذا المدح ينشل ودك تحط كلاش في وسط فمه=تصليه لين أنه عن الكون يرحل هذا كلام(ن) من ضميري اتمه=لانيب مجنون(ن) ولا نيب مختل المدح لأهله كان للرجل ذمه=يمدح رجال(ن) بالمواقيف تفعل مير أن شعار الدنانير خمه =تمدح رخوم(ن) بالمراجل تعلل أعتب على وقت(ن) به الحر رمه=وقت(ن) غريب وكل شي(ن) تبدل أضيق وأونس داخل القلب كتمه=لا شفت عله دايمه مالها حل الرجل يفرق في فعوله وعزمه=لو دار وقته عادته ما تحول ياصاحبي ماعاد للنفس حشمه=كلن على درب المصالح يعجل أعرف ترا ما صار بالوقت قسمه=قسمه من اللي معتلي ماتنزل والله في خلقه ترا اليوم حكمه=يضرب مثل ياصاحبي ثم يعدل واعرف ترا (بدر العجالين) سمه=شوفت دجاج(ن) بالمراجل تمثل والسلامه للجميع.. |
ارحب يابدر وين الناس ماعد شفتك وانا اخوك
قصيده في محلها وبيض الله وجهك وصح لسانك اخوك مشبب الدوسري |
صح لسانك وعلى شانك اخوي الشاعرالقدير بدر بن صقر اعجبتني كثير ماننحرمن جديدك كل الشكروالتقدير دمت بخيرومحبه |
صح السانك اخوي بدر والله لاهينيك على هذه القصيده الراائعه
تحياتي اخوك نمر بن ودعان |
الغالي الشاعر بدر العجالين كل عام وانت بخير وعيدك مبارك قصيده فكاهيه هجائيه رائعه بروعة شاعرها بدر لاخلا ولا عدم منك وما اقول الاصح لسانك وعلا شانك وتقبل تحياتي |
بدر العجالين من العايدين قصيده ساخره والسخرياء اشد انواع الهجاء خاطبت شريحه معينه من المجتمع او ظاهره كما اسميتها بـ ( بالمرتزقه ) اعجبني كثير هذا البيت المدح لأهله كـان للرجـل ذمـه! يمدح رجال(ن) بالمواقيف تفعـل!! صح الله لسانك يابدر سجل اعجابي |
اقتباس:
ابن العم الغالي ( عبدالرحمن الدوسري ) والبقا صح الله بدنك ووجهك ابيض يالقرم ، أناموجود بس اختفي شوي:d مشكور ولاهنت على المرور الكريم.. وتقبل تحياتي،، |
اقتباس:
أخوي الغالي ( يفوق الوصف ) صح الله بدنك وابشر بكل جديد واعجابك يسعدنا:thumb:.. مشكور ولاهنت على المرور الكريم.. وتقبل تحياتي،، |
اقتباس:
ابن العم الغالي ( نمر بن ودعان ) صح الله بدنك ولاهان من قال يالودعاني.. مشكور ولاهنت على المرور الكريم.. وتقبل تحياتي،، |
اقتباس:
أخوي الغالي ( سفير المعاني ) صح الله بدنك وجودك يسعدني ويهمني:thumb: مشكور ولاهنت على المرور الكريم.. وتقبل تحياتي،، |
| الساعة الآن 09:49AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية