|
أخــت المنــايـــا
آخر هدايا رفيق الدرب سكين=يصغر بعيني وأنا اكبر لا جحدها ودعته البير والماء والبساتين=وسنابل القمح بغيابي حصدها راح وتركلي بدال الجرح جرحين=لا والله جروح مدري كم عددها الله يسامح جروحه بالشرايين=من كثر مااحبها صرت أفتقدها تفداه عيني لا والله كل الاثنين=مالي بعين الغلا حاجه بَعدَها اشوف فيها من الاوصاف وصفين=تسابقن فى خيالي واعتمدها فيها من الريم وفروخ الشياهين=شهانة(ن) نادره بأول هددها فيها من الريح لا هز الرياحين=وفيها من السحب لا هلت بردها فيها من الطهر بجباه المصلين=وفيها من الليل لا نام بجعدها وفيها غرور الكحيله بالميادين=لا جات قبل الاصايل فى وعدها وفيها من الشعر جزلات المضامين=أخت المنايا منية من وردها فيها تضاد الوصايف شينها زين=سكر حلاها تخالط مع نكدها الفاتنه بالدلع والغنّج واللين=صابت خفوقي وانا ظيف أبلدها لها بصدري سماء وعيون وإيدين=تعبث بصدري وتجحد من نشدها تمر بالي وأسج ولا عرف وين؟=وأصحى وادور عليها ولا أجدها ! تختال من فوق غي الغي غيين=تنساب أحلى القصايد من مددها مياسة الجيد دلوعة سلاطين=ديمية إحساس ماتسمع رعدها قولو لها شي بقوله من سنين=لازلت الأول وتبشر فى سعدها لو خيروني بها ماقبل خيارين=اخترت موتي على مفرق نهدها ولولا طعون الخناجر والسكاكين=لا قول غير البشر خلقت وحدها |
الله الله الله
صح لسانك واحساسك شاعرنا القدير والمبدع ابو فيصل ابدعت وتألقت شعريا وفكريا انظمت لنا جزلة فيها من العذوبة الكثير وفيها من السحر الكثير ,,, يسعدني بأني اول من مر من هنا وقرأء هذه القصيدة المفعمه بالعذوبة والاحاسيس والمشاعر الراقية نثرت عبق قصيدك فمزجته ب شهد أحاسيسك صح لسانك ولا هنت جزل ولا يأتي منك سوى الجزل ننتظر جديدك ومميزك |
[table1="width:95%;"] | [/table1]ابو فيصل صح لسانك صح لسانك دايم متميز يابوفيصل تحياتي |
ودعته البير والمـا والبساتيـن وسنابل القمح بغيابـي حصدهـا حتى ولو كنت حاضرا معه ستساعده على الحصاد وانت تبتسم لها بصدري سما وعيون ويدين تعبث بصدري وتجحد من نشدها يقولون الاعتراف بالحق فضيله احيان الانكار افضل ولولا طعون الخناجر والسكاكيـن لا قول غير البشر خلقت وحـدها ابو فيصل صح لسانك ملايين تحياتي . . |
" تَرنْيمَة خضُوع لـِ الحَرف المُكتَظ هَيبَه وإجلآل أبو فِيصَل أغدَقت الشِعِر رفِيفاً عاطراً / مُسَكْر وفِي كُل مِدَاد أرَى شَيئاً / مُختلِف غِوايَه سَاحِرَه حَرفَك وخَالقِي صَح البيَان والنَبضْ وطِبتَ بالجَنْه .,. |
ابوفيصل اصبتني بمقتل..تتلاشى
كلمات الأطراء.امام هكذا.بوح.صح كلك فاخره...لايفيها.الا قرأتهااا.بأحساس. تقبل مروري المتكرر.هنا لله درك ياالجزل. |
الغالي الشاعر ابو فيصل الله يسعدك ويوفقك بما فيه الخير اسعدني حضوري ومصافحة هذه القصيده الباذخه لما يوجد فيها من مضمون متسلسل وجميل ومعنى قوي واجمل فعلا قلت تكملها وفعلت وما اقول الا صح لسانك وعلا شانك وتقبل تحياتي |
[table1="width:100%;"] | [/table1], ,, خارج / النص : ) ابو فيصل أتمنى أن تكون في تمام الصحه والعافيه / داخل / النص : ( تدفق شعري هائل . منهل شعري عذب يابو فيصل , مودتي / حجاب ,, |
اقتباس:
حين يكتب أبو فيصل تغرد حمامة الوجد وتبتسم السماء كل هذا والكل ينصت بإمعان وتعجب فالشاعر جزل متكمن والريم تستاهل منه كل هذا المدح والوصف ربما هي من وحي خيال الشاعر لكنه فعلا أجاد هنيئا للشعر أنت |
الشاعر بو فيصل
ماشاء الله عليك صح لسانك واعتلى شانك دووووم مبدع ربي يوفقك ان شاء الله ومشكوووووور على اهتمامك الف شكر تحيتي لشخصك الكريم |
| الساعة الآن 03:34AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية