يقول اللذي راقي على راس جاالي=هجوس الشعر في تالي الليل جاالي
وانا عن تفاكير الفكر كنت جاالي=الا ياعساها ليلة(ن) ما تعووووووودي

معيض الليله الليله أبنبش سّرك المكتوم =تعااال وعطني إعلومك بعلّلك وتعللني
وأنا اعرف لاسرى ليلك تقوم ولايجيك النوم=مدام انا على خط القصيم ازعلك وتزعلني

هلاومرحبا بطير(ن) مع الجو حامي=يرف الجناح ولاهب الصيف حااااامي
يبا الكنز مير الكنز يحميه حاااااااامي=الا ياعساها ليلة(ن) ما تعووووووودي

يازايد هات علمك يالسنافي واقبل المقسوم = نبيها كاش مابي اجاملك والا تجاملني
عسى ربي يعاوني على مصادم جيوش الروم = وعسى الله مع هل الفزعات يازايد يجملني

صحيح ان عندك بندق الصيد فاالي=تثّور بها ريم(ن) مع الروض فاالي
عسى فالك الاقشر يجي غير فاالي=والا ياعساها عشرتن(ن) ما تعووووووودي

مدام ان الهوى غربي اكيد ان بسماك اغيوم=تخت لروضك الاخضر ولكن ماتعلمني
ترى العشره لها ياصاحبي عند العرب مفهوم=ماهي ابسالفة رقم (ن) واكلمك وتكلمني

لقينا بدار السند دحه وفله=ولقينا بها جنينة حدايق وفله
واطو الشريط اللي مضالك وفله=والا ياعساها عشرة(ن) ما تعووووووودي

انا والله مدري عن علومك والبلد محموم = واخاف ان جتني الحمى الى المشفى تسلمني
ترى مر بسمانا طير لاحديا ولاهو بوم = معه حمى الطيور وراع بالموضوع وافهمني

مابه شي بيني وبينك اليوم حاالي=ترى طيب المعدن ماقد صار حاالي
عسى الله يزيّن حال حالك وحاالي=وعسى ها المعزه ياعزيزي تزوووووودي

يطيب الشعر والمعنى بحبكة حرفك المنظوم=بيوت الشعر يامعيض الفخر عنك تعلمني
ولكن غيبتك عنا بها شياً ماهو مفهوم=وذا اني طحت با المحظور حق انك تحملني

ترا صاحبك عاقل بني قوم مره=يابو فارس الياجيت سراي مره
ودنياك هاذي بين حلوه مره=وعسى العز من بين النشامى يزودي

يطيب الشعر والمعنى بحضرت زايد الشغموم = عليه افهم وهو لو طول المشوار يفهمني
انا ياخوك تال الوقت لامعطى ولامحروم = عسى الله مايحرمك من الشبب والله لايحرمني

تهددني ايام العمر با الزواالي=مثل ما مشت شمس الضحى لزواالي
ولكن ابلحق واشتريللي زوالي=وابزّود الزهبه وازوّد وقووووووووودي

على دربك لقيت الورد ياوجه السعد مرسوم=وانته ولا على بالك تجي يمي وتعزمني
تراني بير(ن) مغطى ولكن ماعليه اختوم=وتراني صاحب(ن) مخلص حذاري لاتهملني

صح السانك والسانه
ابو فارس لااملك
الا ان اقول ماقال صاحبك
(يطيب الشعر والمعنى بحضرت زايد الشغموم)
صح السانك والسانه
محاوره
ذات معنى وفيها
من الشعر اجزله


تحياتي

المشاركة الأصلية كتبت بواسطة ريف النشاما (المشاركة 341649) الله الله الله صح لسانك يا زايد ولاهان معيض محاوره في قمة الروعه اعجبتني كثيرا تحيه يا ابو فارس ومنور يا بعدي اخوك اللي مانسيك ريف

ريف صح بدنك والله يسعد ايامك مرورك دائما يعطي اي مشاركه
رونق وجمال اخر

المشاركة الأصلية كتبت بواسطة خلف العاطفي (المشاركة 341650) صح السانك والسانه ابو فارس لااملك الا ان اقول ماقال صاحبك (يطيب الشعر والمعنى بحضرت زايد الشغموم) صح السانك والسانه محاوره ذات معنى وفيها من الشعر اجزله تحياتي