http://www.r15r.com/data/media/108/n...eah%20(43).jpg





جاني يقول .........

تعالي نعاود سنين عمرنا من حبنا وكيف كان
تعالي نذكر أيام سعدنا ولحظات الهوى السبيقه

تعالي نبحر بعالم انرسم بحلو أيامه جنان
تعالي لشواطيه اللي اجمعتنا بأجمل درب وطريقه

تعالي نغرف وله ونرسم أجمل لوحه لفنان
تعالي نذرف دموع اللقى وتصبح دفيقه

عيّت عيوني النوم من رحلتي وإفتقدت الحنان
ياشروق شمسي ويا أجمل دانه وعقيقه

قلت له ..............

ليه يالغلا؟؟ وينك أول؟؟ وين ذاك الزمان؟
يوم أنشدك .. لاترحل .. لاتفارقني لحظه ودقيقه

وينك ياوليد أول يوم كنت إحساس بشر وإنسان
يوم أبكي وأشتكي .. بُعدك تراني ياحبيبي ما أطيقه

وينك ياوليد يوم أستقي الهم عذاب .. لوعه وحرمان
يوم أنا فقدت الهنا وعشت في بحوري غريقه

وينك ياوليد أول يوم إنزوى جسمي ونحل .. بردان
أدور كلمه تدفيني وأصبحت للهم رفيقه

جازيتني برسالة تجرعتها مر ولزمت الكتمان
جرحتني وأشعلت بين الضلوع نار تصلي حريقه

من هو فينا للعشره والحب ماصان وخان
وبالأقدام داس أجمل وأصدق مشاعر رقيقه

لا بالله .. ماعاد أقوى أستعيد الهوى يافلان
كل شي بان وإكتملت ذيول الحقيقه

تناسيت حب جمعنا وبعشرته عليك هان
وشكواي منك لرب الكون والعباد ورب الخليقه



من ايميلي اجريت بعض التعديلات







ياعمري