|
موقف الشعر
الشعر له موقف عظيم وفزعته فزعة عديم اليا تحرك من هجوس القلب ما يبحث خفاه ما يذبح الرجال ويذل الكريم ابن الكريم يا غير فزعه تنفعه لكن تنزل مستواه يا صاحبي وانت الرفيق اللي تخيرته نديم يا بارت اصحاب الردى لك بالنقى طيب ووجاه حديتها يمك ومثلك درع جنبي للغريم كم ليلة(ن) سريتها بك دون ثوب ولا عباه يا شعر يا صوت الضلوع وروح نفحات النسيم يا نبض من ضيع صباحه في رجى عودة مساه يا كل كلي وانت كلي بالجديد وبالقديم يا لساني اللي يا تلعثمت اطلق سهوم الرماه تعبت من وضع(ن) سليم ولا هو بوضع(ن) سليم يا زان فجأه يختلف واليا اختلف على عماه تغيب وان حضرت تهاديني على قول(ن) عقيم مثل المريض اللي عطوه دواه وانكف عن دواه يا رب يا رب السموات العلى وانت العليم ترحم ضعيف(ن) يطلبك بصيام والا في صلاه بك نتكل ونعوذ بك من كل شيطان(ن) رجيم أنت الذي مافيه غيره ونتعلق في رجاه بعض المواقف تننسى لكن بعضها بالصميم مير الله ارحم من عباده والله بعالي سماه ضعاف الانفس والهروج التافهه ما تستقيم والطيب والنفس العزيزه والكرم حذفة حصاه والصاحب اللي ما يعين بميلة الوقت الخصيم ماهو بصاحب لو تجمل لك بزوله مع نباه الشور شور اهل التجارب وان نشدت انشد فهيم راع التسرع لا نفع غيره ولا حصل مناه ترى الغشيم اللي يحسب انه فهيم وهو غشيم على السهل والضلع قدامه يحسب انه رقاه النار تاكل بالحطب لين الحطب يصبح جحيم من بعد ما يفرح به الحطاب يوم انه لقاه النفس تاليها الفنا تهيم والا ما تهيم والعلم امانه في نفوس الخلق بصدور الرواه والصدق مطعوم السوالف للرجال وللحريم والطيب اللي يا عطاه الله عطى مما عطاه والنوم ذموه العرب يا زاد عن حده ذميم حتى لو انه راحة الاجساد يسمج من هناه ما فيه شي الا وجابته العرب من فم حكيم تداولته اجيال والعاقل يحلل ما قراه كنيتها والشعر طلعها مع الليل البهيم لين اسرفت في شرح ما اخفيته وبين محتواه الليل والشعر ومعالم صورة البيت اليتيم تبقى مع الشاعر لو ان الوقت من حره جفاه |
الله الله الله
من انت اصبر ارجع للإسم ايها العملاق عبدالعزيز العدواني والله وستين نعم ونعم هنا اشبعت وارويت وترقى الأدب بك الى الأعلى ايها الشامخ لله درك الشور شور اهل التجارب وان نشدت انشد فهيم راع التسرع لا نفع غيره ولا حصل مناه ترى الغشيم اللي يحسب انه فهيم وهو غشيم على السهل والضلع قدامه يحسب انه رقاه النار تاكل بالحطب لين الحطب يصبح جحيم من بعد ما يفرح به الحطاب يوم انه لقاه النفس تاليها الفنا تهيم والا ما تهيم والعلم امانه في نفوس الخلق بصدور الرواه والصدق مطعوم السوالف للرجال وللحريم والطيب اللي يا عطاه الله عطى مما عطاه والنوم ذموه العرب يا زاد عن حده ذميم حتى لو انه راحة الاجساد يسمج من هناه ما فيه شي الا وجابته العرب من فم حكيم تداولته اجيال والعاقل يحلل ما قراه كنيتها والشعر طلعها مع الليل البهيم لين اسرفت في شرح ما اخفيته وبين محتواه الليل والشعر ومعالم صورة البيت اليتيم تبقى مع الشاعر لو ان الوقت من حره جفاه مليار صح لسانك ياسيّد الأدب في انتظارك ومن متابعيك دائماً اجمل تحية م القلب لهذا السمو الكبير :r: |
حديتها يمك ومثلك درع جنبي للغريم
كم ليلة(ن) سريتها بك دون ثوب ولا عباه يا شعر يا صوت الضلوع وروح نفحات النسيم يا نبض من ضيع صباحه في رجى عودة مساه يا كل كلي وانت كلي بالجديد وبالقديم يا لساني اللي يا تلعثمت اطلق سهوم الرماه تعبت من وضع(ن) سليم ولا هو بوضع(ن) سليم يا زان فجأه يختلف واليا اختلف على عماه |
والله يا خالد انك احرجتني بهالحضور وأنت رجل شامخ ومثلك يعتز به الأدب شكرا من الأعماق يا فاخر |
الغالي
الشاعر عبدالعزيز العدواني الله انه يسعدك ويوفقك بجميع الاوقات بالخير اسعدني كثيرا مروري على متصفحك ومصافحة هذه القصيده القويه و المعبره بما تحمله من معنى وصح لسانك وعلا شانك مليون ولا يكفون ولاهنت تقبل تحياتي |
يا غير فزعه تنفعه لكن تنزل مستواه الشاعر عبدالعزيز العدواني قصيدة لا تكفي قرأتها مرة واحدة فالتفاصيل بين السطور لا عدد لها وكل شطر يغني عن قصيدة تامة صح اللسان وسلم اليراع |
الشاعر
عبدالعزيز العدواني وافيه بكل ماتعنيه الكلمه صح لسانك |
| الساعة الآن 06:24AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية