كلي مشاعر جيت كلي ظمأ شـوق =تغرقني الدمعـة وتحـرق جبينـي
البست حرفي من صدى نبرتي طوق =وانا الشمـوخ بداخلـي يحتوينـي
جيت لعيون اللي له اقسمت ماابوق=حلم الصباح انشودة العاشـقـيـنــي
لي عزةٍ تصعب على كـل مخلـوق =ياللي تقـول انـي ابيـك وتبينـي
لاتزيدنـي هـم ومعانـاة وحـروق =مشاعرك ماثـارت الشـوق فينـي
والدمعة اللي شفتها داخـل المـوق =ماهي على بعدك على اهداب عيني
ايه ابدويه واصلهـا حيـل ماثـوق =بنـت النشامـا والـردى مايجينـي
ايه اتباهى ، شاعـرة , عاليـة ذوق =ونفسي عزيـزة وانـت لاتبتلينـي
ماهو غرور اللي تقوله ظمأ شـوق =لو الغـرور احيـان يعنـي يقينـي
كلي مشاعر جيت كلي ظمأ شوق=لعيون من يسوى الخلائق بـعـيـنــي

اهلا وسهلا بك نورتي مكانك
اجمل مصافحه وبدايه قويه صح لسانك ونعم فيك والله
يسعدني معانقة هذه القصيده وشرف معانقتها
دمتي بود

الله

الله

صح لسانك مليون ياشيخه

ابداع

اعتزاز بثقه

عنفوان اصيل

شعر جزيل

تسلمين والله

تقبلي اعجابي ومتابعتي

تحياتي اختي

الدمعة اللي شفتها داخـل المـوق
ماهي على بعدك على اهداب عيني


ظما الشوق


مرحبا بهذا العزف المنفرد

لكِ كل الفضاءات ..رتبي منازل الكواكب حيث شـئيتِ
فعزفٍ هكذا اولى ان تكون له السياده..


اهلا بكِ وبالضؤ الذي رافق قدومك



تحياتي