ماعلى حكم الله إن راد اعتراض=حــتى اخر رحلة المـوت الاخيـــره
كـيف أبنسى اللي لهـا الخـفـاق هآض=ويـن مالـقـيـت في عيونـي أميـــــره
دمعي اللي فاضـبي / والشوق فاض=رحت امد الشوف وايديني قصيره
يا الاميرة شــاعرك جـعـلــه غـضـاض=الـمـدى لـو كـان ما فالـقـلـب حـيـــره
كان قلبك فـجـر يـمـلاه الـبـيــاض=يا خزامى وادي عصيل وعبيره
وارد(ن) لعيونـك النجلاء حيـاض=المنـايـآ // مستخيـــــر // ودون خيره
لونك الحنطي يخالطـــه البياض=لون أهل نـجـد الـقدمـى يالاميره
حتى عـطر الورد منك أنتي استغاض=أنـتــي انــفـــاسـك عطر ما فيه غيره
أنتي أجمل بنت في كل الرياض=أنتي أجمل بنت في شبه الجزيره
_ لاضحكتي صارت الصحراء فياض=قـلــب طفلة لـكـن الدنيــا حـقـيــره
نادره ياغزيّل وشبـه انقراض=يامضــاوي / ياغزيــة / يامـنـيــرة
غرتك دنيـاك / وأبليس استاهاض=الله أنه يلعن ( الـقـصـر وأميره
كل شي أتأكدي خالي وفاض=النوافذ / باب غرفـتـك / و سريره
_ لو ألك طفلة تشابه لك وناض=قلب الأم لضحـكـة البنت الصغيـره
شارع القلب أنتفض مثل أنتفاض=شعب تونس كانت أحلامـه كبيره
كل شيء(ن) من سـعـادتـك أفـتــراض=الـحـقـيـقــة في الوهم تبقين أســيـره
أسعـد الدنيا ومن فيها حـضـاض=الـفــقـيـر اللي خـذا مثله فـقـيـره

التوقيع
مانيب ناقص ملام وناقص معــــــــــاتب...................
...................عاتبت نفسي ولا أبغى أحد(ن) يعاتبني
احيان أشوف الخطا صحيح ومناسب...................
...................واحيان أشوف الصحيح ولا ينـــاسبني