يانجد أحبك من محبة حبيبي=النايف اللي منزله راس مرقاب
نجمه سطع من دون شكٍ وريبي=هيّب مقاديم الخلايق ولاهاب
لاغاب عند دمع عيني سريبي=وان زارني جبت القصايد بترحاب
انا الذي عشت المحبه بطيبي=وانا الذي غنيت ياسيد الاحباب
ياما على لاماه شقيت جيبي=وياما تجرعت العزاير والانشاب
هو الذي لجروح قلبي طبيبي=غرون تكسر له طويلات الارقاب
حبه حفر في وسط قلبي جليبي=يارد عليه ويزعب الشوق لاغاب
والحمدلله صار حظي مجيبي=جاني يبررلي غيابه بالاسباب
ويقول مدري كان جرحك عطيبي=واقول له من عقب ماجيتني طاب
زانت حياتي في حراوي نصيبي=يوم ان غيري يفرك الناب بالناب
يانجد احبك من محبة حبيبي=لو كان لي عندك بني عم واقراب