وسط ديوان القصايد من محا ذيك السطور = وين ديوان القصايد من عطيته يافهد
القوافي مبحرتبي في محيطات وبحور = قطّع شراع القصايد عن خيالي وابتعد
عظّم اجر اهل الفقيده والبقا براس الحضور = لايعيد الله حلمي بأمسية يوم الأحد
يوم كل اعداي كانت بأول الحفله سطور = شفت كل من قام صلى راح سلّم ماسجد
شفها من بد القصايد غيّبت لـ الشمس نور = عودتني كل ماألقي رحت انا ارجف وارتعد
ياالعشيق اللي دفنها وش ورى نبش القبور = في مدينة ذكرياتي منهو حاكم ذا البلد
دامه اللي من عشقها مرتمي باالقلب جور = مااذكر ان حنا التقينا غير بأيام النكد
كيف ذاك الحلم صور واقع لحظ معثور = ماشعرت الا وانا اتلو( قل هو الله احد)
كيف اكفر عن خطايه وحده الرب الغفور = ماانحنى راسي لغير الواحد الفرد الصمد
كل شاعر دون جرحه ميت احساس وشعور = مادريت ان السعاده جرح يبقى للأبد
كانت اشبه باالحقيقه مثّلت باالجرح دور = عشت كل الناس حولي وعشت ماحولي احد