مدخل ..

برد(ن) يحل بموطن الروح رجفـه
ويطيح غصن الروح من رجفة البرد
وش يمنعه لو ضمني وسـط كفـه
ادفي جذوري من اطرافـه الجـرد

اتحرى للوصل واستحضرك واشتاقك = وانت لاتسمع رنين ولا تنشّد عنها
كني الا رسم صوره ضايعه باوراقك= غصّت بحلق الدفاتر لين ملت منها
ضقت من طعم الغرق كيف الغرق لاضاقك= يستحيل الموج يسري بك ليا موطنها
بين جيش امن الجروح اتلمني ترياقك= بلسمك داخل مدينه لابشر يسكنها
هييه يامن تنتشي من زاوية عشاقك= ماتذكرت القصايد قبل لا نعلنها؟
كنت اشوفك نجم عالي ماكن (ن) بافاقك =من وجودك لي وجودك ظلمتي يوهنها
ماقبلت بهجر قلبك ..مارضيت افراقك= كلما هامت طيوري بالجفا تسجنها
انسجن بارضك خفوقي فك عنه وثاقك = قم تعوذ من شياطينك وروح العنها
انت تدري الحرف بيدي مايمل عناقك= لوسمحت اخر حروفي حبها واحضنها

مخرج ...

لهيت عنها ياسحايـب مطرهـا
ماتدري انك داخل اعيونها دمـع
صوت الذهب ..نور الليالي..قمرهـا
اللي نسيم احضورها ذوّب الشمع

الغاليه
الشاعره
رنين الذهب

الله انه يسعدك ويوفقك بجميع اوقاتك بكل خير

ولقد اسعدني ان اكون من ضمن المصافحين لهذه

القصيده الاجمل من جميلة بما تحويه من معاني

وصح لسانك وعلا شانك مليون ولايكفون



تقبلي تحياتي

رنين الذهب

من مدخل رائع

الى سبيكه ذهب

صغتها بالشعر

لنخرج بمخرج جذاب
ماقبلت بهجر قلبك ..مارضيـت افراقـك
كلما هامـت طيـوري بالجفـا تسجنهـا


شكرا رنين الذهب

وصح بوحك والسانك

الشاعره/ رنين الذهب
أو بالأحرى رهب رقم 2 :)

لأنك تشبهي في هذا الحضور الجزل
شاعرة الخليج الأولى (ام نواف) .
وحقيقةً لاأقول ألا أنك مذهله في كل بيت .

تقولي ..
هييه يامن تنتشي مـن زاويـة عشاقـك
ماتذكـرت القصايـد قبـل لا نعلنـهـا؟

كنت اشوفك نجم عالي ماكن (ن) بافاقك
من وجودك لي وجودك ظلمتي يوهنهـا

وإن تفاوت مستوى الأبيات ألا أنني أرى بأن هذه الأبيات درر لاتكتبها
ألا شاعره تستحق الاعجاب والتقدير .
صح لسانك .