هملول ديم المعصرات ام السحاب ابو المطـر=والريح كنِّه واقـفٍ جذْبـه بْوقْـت هْطولهـا
واْم المعاني ساميه تختـال مـن زود البطـر=معها على نفس الوتيـره عمقهـا مدلولهـا
برهان يافـن الكَلِـمْ مزنـك لياهـل وحـدر=ميسم وحدره ينوسـم مصقولهـا مكحولهـا
الوان طيف وتكتحل خِدَّانَها اللـون الخَضَـر=من ربهـا تبديرهـا والَـفْ وفـا هملولهـا
مي السما وسط الوطى بالضبط ياقالوا غِـدِرْ=جملـة هماليـلٍ تتالـى مـنـوهْ لدالولـهـا
وجه الطبيعه خاطره يضحك على مد السفـر=بسمهْ تطَاول عرضها لين استوى مع طولهـا
تقطر غصون التين والزيتون ماطرهـا قطـر=تـلألأت دمعـات قاطرهـا شبيهـة لولهـا
كن المطر عقب المطر يمطر من اوراق الشجر=ياللمناظر مع سكـون الريـح تفقـد زولهـا
تلقى الاوادم ظلّهـا دوبـه بتركيـز النظـر=والشمس ماهو نورها والريح ماهـي حولهـا
هذي هي الصوره لعمق الروح في بيت الشعر=للـي تلاحنهـا سـوا منقوضهـا مفتولهـا
نبدا بها بالباديـه والـذود وبويـت الشعـر=وام الحوير ليـن حنتهـا / علـى مخلولهـا
وقت الغدير الله يامـا للغديـر مـن الصـور=في ذاكرة ذات الصفـا وجبالهـا وسهولهـا
صحه مع الدغلوب بيض قلوب لو ميِّهْ عَكِـرْ=وقت التكافل والنقـاوه مـن نقـا شهلولهـا

[table1="width:95%;"]

[/table1]

---

المشاركة الأصلية كتبت بواسطة عقاب (المشاركة 175922) [table1="width:95%;"]

خالد البرمان نجم يضيء في سماء الشعر يراه متذوقي الشعر اصحاب الوزن الثقيل خالد لاغرابه قصيده رائعه من رائع صح لسانك صح لسانك تحياتي

المشاركة الأصلية كتبت بواسطة زايد الدغماني (المشاركة 176047) [/table1] [table1="width:95%;background-color:black;border:10px inset burlywood;"] خالدالبرمان مساء الشعر والابداع لامنه حضر والقوافي تاتينا منك دائما كا المطر وكا العطر سلمت يمنك على كل سطر وعلى كل شطر انت الشعر فكيف لا ترتقي لذائقتنا هذه التحفه الثمينه تجديد وقطف فريد نراه في كل يوم يزيد انت من القامات الهامه التي نفتخر بمتابعتها فلا تبخل علينا بروائع ارشيفك المزهر اخي خالــــــــــــد دمت شامخا

المشاركة الأصلية كتبت بواسطة ريف النشاما (المشاركة 176072) خالد البرمان اسمحلي ان اقف مصفقاً لهذه الجزله من المعاني الجميله التي احيت فينا كل المشاعر العذبه في حب الخير و المطر قبل ان تحيا فيها الارض تصور رائع جدا ً ننتظر للجزء الثاني بفارغ الصبر