اشرب من ابيات المعاني فناجيل=على المهل مثل اشقر البن هايل
منقية(ن) مصبوبة(ن)لك عن الخيل= ثم دج بها ياعنك مافيها خمايل
عند العرب في الوص والليل والخيل= ابيات شعراُ خلدوها الاوايل
غنوا بها شعر وقصيد وموواويل= والله عقدفي نواصيها شمايل
وصف(ن)ولطف(ن)وعنجهيه بلاميل= فيها الامل ترقى بصف الجزايل
بالخير ما بالخيـــــل شر وبهاذيل= وزود(ن)عليها عدت(ن)للقــبايـل
لو شوفها يكفي بليا محــاصيــل= واحلا هواياتي لاسال سايل
والمهرة اللي لاعدت فاقت الخيل= ياهي عليها من جمال وخصايل
مرفوعة(ن) لاطول لاقصر وتخيل= خصر(ن)تعزل عن قوام (ن) تمايل
تلعب على الميدان تختال كالسيل= الياتحدر مانشد عن دلايل
ترقص على اللعاب موفية الكيل = روس الظبافيها وطيب السلايل
مع نسمة (ن) فيها العطر خالطه هيل= ومن البخور تجود من ريح هايل
المدهمه من لونها ياخذ اللـــــيل= مثل الهبوب وبعثرتها الجدايل
من شافها ينسى لو يثقل الشيل= برد الكبود مسمحات الدبايل
فيها الوفاء غايات كل الرياجيل= حيث الخيانة حاربتها الحــمايل
وفيها الصبر شيمة مع قوة الحيل= اللي لها حاجات بيوم الهوايل
فيها وضوح(ن)وان دجت كانها ليل= ليل(ن) بهيم (ن) تاه فيه الدلاليل
من حبها لي صار ماكنها خيل= ماكننا الاحاجتين (ن)كمايل
واحبها ا ليا جيتها كاني دخيل= واشفق لها من ضامي(ن) للبلايل
واشتاقها شوق البدو للمخاييل= وتباشرت وديانها والمسايل
ياالله انا برجيك ياخالق الخيل = تلحق مشبب منوته في الاصايل
والختم صلى الله على البدر في ليل = محمد هو الهادي كريم الشمايل

نيفين

صح لسانك مشبب قصيدة جزلة
وأبدعت بالوصف الله لايهينك
دمتم لنا أيها الشاعر العذب
تقبل تحياتي