ف غيابك عني ......
 

تصدق ولاماتصدق..أنا عاجز عن التفكير
تعال وشوف في عيني..غيابك وش عمل فيني

حبيبي مابقى فيني .. صبر يتحمل التأخير
رحلت.. وعقبك الدنيا غلاها طاح من عيني

أجاوب اللي يسألني عن أخباري وأقول بخير
وأنا لاخير في غيابك..ولاحاجه .. تهنيني

على طاريك كل لحظه .. ولااحتاج للتذكير
حريص القلب ماينسى عيونك .. لاتوصيني

محد يقدر يعوضني لأنك..في عيوني غير
ومهما شفت أنا الفرحه..بدونك ماتسليني

وكيف الحال وش لوني..جواب مايبي تفسير
بدونك إنت ماتضحك حياتي..وترمش سنيني

مثل شاعر عجز يوصف شعوره..وخانه التعبير
أنا ضايع .. ولاأدري من فراقك .. أنا ويني

مثل طير كسر بعدك جناحه وماقدرت اطير
أحاول أبتسم وأنسى ولكن وش ينسيني..؟!

أشوفك في صباحي انت معنى ياصباح الخير
واشوفك في مسائي حلم وردي لااااتصحيني

يصدق ..السهر يرسم عيوني ويتقن التصوير
واشق النور في صفحة حياتي .. وماألاقيني

أنام وشلون..ومشكلتي عجزت ألقى لها تدبير
طلبت النوم .. لحظاته وعيا النووم يعطينــي

تغير وجهي من أول غيابك..وابتدى التأثير
حبيبي من التعب كافي.. خذيت اللي يكفيني

يأغلى من رحل عني .. ياكل الحب والتقدير
تعاااال إن كان لي عندك معزه وكان تغليني

تعال:إن كنت تعشقني وإذا فعلا تبيلي خير
تعال: ومد لي .. كف الوصل .. وآمد كفيني

إذا كان الجفا واجب.. بدى من قلبي التقصير
أبيك.. الحين ترجع لي .. ولاترجع تخليني

أنا مااقول اللي صار فيني ماهقيته يصير
لأني كنت .. (متأكد) .. بأن البعـــد ينهيني

هلا دودي


نورتي يالغلا


ويشرفني او المارين والمصافحين


رائعه من انسانه رائعه



دودي هذي من الغنايم الي بعد الغيبه ؟



تحياتي لك

دودي اولا اقول والله ونور المنتدى
ثانيا هذه روعه من روعة احساسك

جميل مانثرتيه هنا اخت دودي

تقبلي مروري

صح لسانك واحساسك


كلام يوجع


تحياتي لك

يسلمكم ربي حبايبي على مروركم الطيب والنور نوركم يالغاليين



ودومتم بود