المدينه صابني منها اكتئاب == الشوارع والقصور العاليه
الاماني دونها درب العذاب == واهنيك يالقلوب الساليه
واهني من شاف غدران السراب == في مهاميه الفجوج الخاليه
ان تعثّر حلم من وقت الشباب == الظروف الاوله والتاليه
كل ما قلت السعاده بأقتراب == التعاسه روّحت متّاليه
الطرايد تمتلي منها الشعاب == والكواسر من شقاها جاليه
الرجال عزومها فوق الصعاب == الجواهر شكلها متلاليه
بالاهانه لعقة الشهد المذاب == تنقص الاعمار لو هي حاليه
يقبل الحقران محقور الجناب == حقرت الاخيار ناراً صاليه
من رضي دوس الكرامه بالتراب == وش بقى له والكرامه غاليه
الردي ما يستره زين الثياب == تستر الاجواد لوهي باليه

[table1="width:95%;"]

[table1="width:95%;"]

يقبل الحقران محقـور الجنـاب
حقرت الاخيار نـاراً صاليـه

الشاعر القدير / عبدالله المفضلي الشمري
صح لسانك ياعالي(ن) شانك .
أشهد بالله شهاده أن قصيدك يطرب القلب ويشرح الصدر .
وامتعتني بشعرك الأصيل ياأصيل .

وانت الله يسلمك من خيرة شعرائنا اللي يفخر فيهم الموقع
ومن فيه .
وأجزل الشعراء كافه بعيني .. وهذي شهادة حق لابد من قولها .

أسجل أعجابي بكل بيت قرأته لك .
وأقولك ربي يسعد شمر اللي انت منهم :)

تحياتي وتقديري لك :r:.