الا ياليتني شعره على ذيك الكتوف تميل=الآمس جسمه الناعم واشم العطر بهدومه
وببقا طول عمري بس مابين الكتوف اسيل=تلامسني طرف يده ويلف الشعر بابهومه
انا ماغيره اتمنى ولو صفو بنات الجيل=ولو غيره تمناني حشا لله ماسومه
انا بنظم على شانه قصيدي والقوافي سيل=وبكتب له معاني نادرات الوصف معدومه
الى من شافها غيره نبض قلبه وقال الويل=تولول من جنون الحرف لامن ساق زيزومه
ابغني وابترنم بعال الصوت له واشيل=حروفي يوم الحنها جعل يومي قبل يومه
بخلي غيره اليومه يموت بغيرة التحليل=يبي يعرف قدر حبه وبعض الشوق وسلومه
فداه من الغلا والحب ماسّهر خافقي بالليل=فداه اللي تعب ينسج حروف الشوق وعلومه
فداه من الغلا والحب فزة هاجس (ن) كالخيل=فداه اللي على شانه يغوص البحر ويعومه
يبي يرضي بعد نفسه ويرضي صاحبه بالحيل=الى من جاب له دره تموت الناس محرومه

المشاركة الأصلية كتبت بواسطة احمد العليان (المشاركة 396381) سلطان الشعر عتيق عنوان ملفت لقصيدة في منتهى العذوبه رساله من عاشق انسابت بكل رقه ونعومه ، وشعر ينبض بالمعاني الأصيله اخوي سلطان تحيه خاصه لك

المشاركة الأصلية كتبت بواسطة سفير المعاني (المشاركة 396383) الغالي الشاعر سلطان عتيق الحربي الله انه يسعدك ويوفقك بجميع الاوقات بالخير اسعدني كثيرا ان اكون ثاني المصافحين لهذه القصيده الاجمل من جميلة والاروع من رائعة بما تحمله من ابداع ومعنى ومشاعر رقيقة و جياشه وليس هذا بمستغرب على شاعر مثلك دائما مبدع وصح لسانك وعلا شانك مليون ولا يكفون وتقبل تحياتي

المشاركة الأصلية كتبت بواسطة تفاصيل الخجل (المشاركة 396389) فداه من الغلا والحب ماسّهر خافقي بالليل=فداه اللي تعب ينسج حروف الشوق وعلومه فداه من الغلا والحب فزة هاجس (ن) كالخيل=فداه اللي على شانه يغوص البحر ويعومه :: شاعرنا المبدع سلطان الحربي.. لله درك من شاعر.. مهما كتبت لن أفيك حقك.. كلماتك تخاطب الروح بكل شفافية .. نحترى جديدك الاروع .. تحياتي لحضورك العذب:r:

المشاركة الأصلية كتبت بواسطة فواز علي الروقي (المشاركة 396406) الشاعر سلطان اللي يسمعك يوم تمنى انك شعره يقول انك اخذت القليل وشحيت على نفسك لاكن اللي يتابع القصيده يلقى انك طماع في خلك قصيده مفعمه بالمصداقيه والتغزل العذري المباح صح لسانك و علاء شانك