|
خطأ الصواب .. صواب الخطأ
كل عام وانتم بخير تفرق الرفاق .. دروب الحياه .. وتجمعهم فرحة العيد لقاء بعد غياب .. وسؤال .. شرع ابواب الاجوبه .. فاندلقت محبره .. على شفاه قلم ليزفر .. اهآآآآت حرف
حسافه يضيع العمر .. كذا هدر .. يا سلطان = اقزره بالسفرات .. والروحه والجيه بباريس .. ولّا جنيف .. ولّا بشاطي كان = او المغرب الاقصى .. أصيد حباريه ادور على الغزلان .. في مرتع الغزلان = بشرقي الأطلس .. او جنوبي شرقيه من ريف أطلس .. لين اغادير .. مع طانطان = الى حدود ماسمي .. بصحراء غربيه قنصنا وانكفنا .. من الديره المزيان = ديار الشلوح .. الي بها الريم محميه ومنها الى بيروت .. واعلى جبل لبنان = بفقرا وفاريا .. مواقف دراميه بعد طحت ثمن طحت .. (.. أنا ..) البارع الفنان = على الثلج اتزلج .. بقفزات فنيه تعلمت كيف الثلج .. يبهج خفوق انسان = مثل ماتبهج .. النظرات .. لعيون حوريه في قهوة اموري .. بثيرتي سفن .. فردان = تلامس شفاه .. إشفاه .. في وقت عصريه وليله سهرناها .. لدانه لدانه .. دان = بعزف الوتر .. ترقص .. قلوب الهواويه بعد فاح عطر الورد .. واتبعثر الوجدان = بعد ذقت .. طعم الشهد .. بشفاه ورديه تمذهت يا سلطان .. ومليت يا سلطان = من الشمع .. واضواءه .. بليله رومنسيه واذا قلت لي غلطان .. اقول ايه .. (..أنا..) غلطان = اعرف اكبر عيوبي .. رومنسي وحنيه ولكن رغم هذا .. فلا اخاوي السكران = ولاقد شربت الكاس .. والله موليه ولاني بعسل .. لا .. ولا اشرب الدخان = يضايقني الدخان .. ريحه .. وراعيه رفيقي كريم النفس .. رفيقي رفيع الشان = مثل متعب وتركي شبابن شقرديه يعينون ع الطاعه .. يعينون ع الايمان = يقيمون فرض الله .. بدار المسيحيه و(..أنا..) لو تشوف اضحك .. ترى خافقي قلقان = تلاطم به الامواج .. ورياح ثلجيه اجابة سؤالك .. (.. انت ..) وينك .. ماعاد اتبان ؟ = وهاتفك مغلق .. ما تجي ل السعوديه ؟ خذ الموجز .. المانشيت .. وافطن الى العنوان = ما بين الحروف .. اسرار .. نكات سريه صواب الخطأ خطأ !! .. صواب .. اعكس الاثنان = علم منطق .. ابحربه .. بومضات فكريه تضيء الزوايا المعتمه .. شمعة النسيان = وتبقى النساء .. اسباب .. ذنب الزكرتيه (.. أنـــا ..) |
الشاعر انا
صح السانك متميز ومبدع لو وجدتها بدون اسم من حبكها ونقشها لقلت انه انت ...بنكهت شعرك الخاصه صح السانك والله يوفقك ويستر عليك ويردك اذارحت سالما غانم |
أبياتك عشنآها بمعنآها .. أخذَتْنا ببحر أموآجه لن تقِف !
لله درّك .. مبدع لحد الثمآلة صح لســانك شاعرنا القدير أنــا |
عليك الملام/.. ويركبك حق يافنان= تروح وتخليني,,,, بعج السعوديه أنا فاقدك ياطيب الراس/ ياكحيلان=وثاريك رايح /....تشبك فروخ وكريه لها في جبال ترتعد دنها الشجعان=وانا محزمك// لاصرم الجير عصريه قضيت الاجازه من دوامي اليا الشيبان=وضاع العمر مابين هذي هاذيه الرااااقي أنا صح السانك وسلم بنانك عشت جو ا النص الراااائع لله درك متميز اين ما انت سبك وحبكــ لايجيده ســواك بس يؤسفني انك ماعلمتني كان رحت اقنص معك هههه <<<ناشب كن بخير |
أنآ ..
طآب لي ماصنعت .. من فكرك الرآئع .. أضئت .. صفحآت منتدى رهب .. بحروفك .. شكرآ جزيلا لك |
الغالي
الشاعر ااانااا كل عام وانت بخير وحياك الله والف مرحباك بعد الغياب اسعدك الله ووفقك بجميع اوقاتك بكل خير سرني واسعدني ان اكون ضمن المصافحين لهذه القصيده الاجمل من جميله والاروع من رائعه اسهاب وتصوير يفوق النظير من شاعر مميز وصح لسانك وعلا شانك مليون ولا يكفون وتقبل تحياتي |
دائماً أجدك مميز فحرفك له مذاق خاص لايشبهه احد وأسلوب متقن لايجيده سواك كل مره اجد أحاسيسك تجّسد لوحة فنيه تحمل في طياتها الكثير من المعاني والابعاد الجماليه صاحب حرف عذب وفكر راقي مثقف صح لسانك اخي الكريم وكلي شوق لجديدك تحياتي لك |
اقتباس:
خلف اسعد الله روحك ..وكل عام وانت بخير يفوح من حرفك ..العود ألأزرق ...وأتذوق بمقرداتك رطب الكلام ..ثناء مبدع بقامتك ..يرتقي يهامة النص., ويبهج روح. خلف اقدر لك ..مرورك وثنائك ....تحياتي وتقديري ...ودمت بخير |
صح لسانك وعلاشانك
تحيتي لسموحرفك الراقي |
صح اللسااااانك ولاااااهنت وسلمت ودمت الاخ العزيز / ... انا .. شاعر جزل ودائمأ الجزاله في قوافيك لاهنت لاهنت لاهنت على هذا النص الفاخر لاعدمتك |
| الساعة الآن 07:39AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية