شبكة رهب الأدبية-ريما محمد السديري

كثير من البشر يسال عن اسباب الحـزن فينـي
وكثير من البشر وده يعرف بدنيتـي وشىصـار
وعلام اللي يقابلني يشوف الدمـع فـي عينـي
وانا توي صغير السن حزيـن وشـارد ومنهـار

انا بحكي بقول الحين عن اللي صار فـي سنينـي
ولكن قبل لااتكلم ابيكم تحكمـو يـا اخيـار
تعالو واشهـدو يانـاس تعالـو طالعـوفينـي
تعالو شاهدوا جسمي غدى ناحل وعقلي طـار

انا مانـي تـرى مدمـن ولا ضاعـت ملايينـي
وربي يابشـر حالـي سبايـب وقتـي االغـدار

تعالو واسمعوا منـي وش اسبـاب الحـزن فينـي
وشنواسباب دموعي وش اللـي بدنيتـي اسـرار

يتيمٍ ايه انـا عايـش00 يتيـم محـدٍ نطراعينـي
ولحدٍ عني جاء يسـأل وحيـدٍ جالـسٍ بالـدار
يتيـمٍ مافـي بالعالـم رحـومٍ جـاء يواسينـي
يتيمٍ عايش بحسـره وضيقـه عيشتـي امـرا ر

يتيمٍ فـي نهـار العيـد محـد جانـي ينادينـي
يقول لي خذ حلاو العيد زمانٍ كنا فيـه صغـار

يتم صـاح ياموتـي رجيتـك رجـو تجينـي
يومٍ استاذي قال بكره يجـون ابائكـم ياصغـار
شهادتكم تـرى بكـره وابوكـم لازم يجينـي
بسلمها انا بيده وشهـادة شكـر مـع ازهـار
وجاء بكره وجيت امشي ولحدٍ ماسـك ايدينـي
ومن أي طالب دخل ماسك بدين ابوه صرت اغار
وكنت الاول ولكـن دموعـي كانـت بعينـي
نزل دمعي وسط حفلٍ كبير وحاضرينـ كثير
مقصر زادها الاستاذ مـا بـارك صـار يعزينـي
شهاده كانت بيدي احسهـا جمـرة مـن نـار

هذا سبب واحد من اسباب الحـزن فينـي
يكفي يابشـر ولا اكمـل وافشـي الاسـرار

ابحكي عن سبب ثاني سبـب زاد الحـزن فينـي
حبيبٍ مـت فـي حبـه ولكنّـه طلـع غـدار
انا رغم اليتم حبيـت عشقـت بكـل مافينـي
عشقت وكنت له وافي واذا اخطأ اجيب اعـذار

انا حبيت لي شخـصٍ عشقتـه عشقـي لعينـي
وهو حبني واقسم لي بـرب المصحـف الجبـار
انا صدقـت حلفانـه وهقيـت انـه يغليني
ومثل ماني احبـه مـوتتوقعتـه يجينـي
ولكـن خيّـب ضنونـي توقعتـه بيحميـنـي
توقعته حبيبيي يكـون ولكـن صاربـي غـدار
اثـاري كـان يتسلـى ووقتـه يضيعـه فينـي

قطع في طعنته اخـر عـروق الفرحـه بسنينـي
وزاد الحزن فـي قلبـي وخلانـي اعيـش بنـار
خدعنـي ونيتـه ينهـي حياتـي وده ينهيـنـي
وعجزت اخذ بثاري منه حبيبي كيف اباخذ ثـار
ومع غـدره وطعناتـه غرامـه ساكـنٍ فينـي

عرفتو يابشر هالحيـن ليـه الدمـع فـي عينـي
عذرتوني على جسمي وعذرتوني علي عقلي اللـي طـار

هناك بقية أسرار هل تريدون سماعها ومعرفتها
((( لايسألني وش الباقي من اللـي بدينيتي اسرار
طبعاً البشر بشر لا يستطيعون أن يتخلو عن طبيعتهم