ياسعود ياعزوتي يازين مفرعها=يوم استدارت وانا واقف تطالعني

ثم غطّت اللي تبين لي بمسفعها=عجله تبي عن قرار البعد تمنعني

والدمع من عينها حجّر بمدمعها=وتقول ياغايتي وش له تودّعني ؟

وضاقت علي الوسيعه مع مراتعها=والهم من كاسه الصافي يجرّعني

غصبٍ على قلبي الملهوف اودعها=أشياء كثيرة على ممشاي تدفعني

خوفي عليها من الدنيا تلاوعها=وانا نصيبي اعرفه ما يشجعني

وأخاف من كلمةٍ تاصل مسامعها=من واحدٍ هرجته تقول له دعني

ونفسي سلوم العرب والدين تمنعها=لاجيت ابي وصلها عيّت تطاوعني

صدّيت عنها واشوف الوضع مجزعها=ماتدري انه بعد بالحيل مجزعني

واقفيت عنها وانا روحي ادافعها=واشوفها من بعد ما اقفيت تتبعني

انا ادري انه حنين القلب يدفعها=لكن خوفي عليها قام يردعني

وشهور مرّت ولا زارت مرابعها=قل لي عن غيابها ياسعود وش يعني ؟

ياخوك نفسي ضنى الفرقى ملوّعها=وكبدي من البارحه ياسعود توجعني

يالله ياخالقٍ نفسي ومقنعها=ياعاليٍ تنظر لحالي وتسمعني

ياواحدٍ كل بيبانك مشرّعها=يالله طلبتك بلاماها تمتعني

ونفسي سلوم العرب والديـن تمنعهـا
لاجيت ابي وصلها عيّـت تطاوعنـي
صدّيت عنها واشوف الوضع مجزعها
ماتدري انه بعـد بالحيـل مجزعنـي
واقفيت عنها وانـا روحـي ادافعهـا
واشوفها من بعد مـا اقفيـت تتبعنـي
انا ادري انه حنيـن القلـب يدفعهـا
لكن خوفـي عليهـا قـام يردعنـي

مافيه شك بأنك مبدع
ومثلها كثير ولكن هالشيخة تقول أنا الأفضل
تحياتي
باريسي