تعالوا هنا وقولوا لنا كيفب بتقضون هالصيف
فكرة وليده اللحظة
مع قدوم العطلة الصيفية .. والشوووب والحر والأغلبية بيطلعوا بالصيف او بيسافروا .. حبيت اخلي لكم هالموضوع كلن يقول لنا وين بيروح في الإجازة كيف مخططه يله يله أبي تفاعل كلنا أسرة وحده |
وليد البراهيم موضوع جديد بس ودي اقضي الصيف بخيمة في الربع الخالي منها مافيه تذاكر ووجع راس ومنها مافيه زحمة ولا أمراض وعلى الاقل فيه هدوء والبعد عن عن الناس غنيمة اللي ما فيهم خير هذا المكان اللي ودي أقضي الصيف فيه وليد دمت بخير وسعادة |
انا بصراحه
ناوي ومبيت النيه يم الحفر ان شاء الله امتع ناظري بجبال الحفر وشلالات القيصومه احد له نيه يخاوي |
اخوي وليد لاهنــــــــــــــت ومشكوور ع الموضوع ـــالحلووو :r: وانا ودي اقضي الصيف بـ اوروبا :d بس الحمد لله قضيت نص الاجازه بالكويت وعن ماقريب مكه جده الطايف ... |
اخ وليد والله موضوعك طيب وانت اطيب
با النسبه لي افكر بل قررت ان اسافر انا والاسره الكريمه طبعا نحن مقيمين في مدينة الرياض وخطتنا بمشئية الله تعالى كتالي 1- تبد الرحله من المنزل في تمام الساعه الخامسه مع البراد الى حي النسيم مرورا بسوق حجاب وبعدها نتجه بحفظ الله الى الروضه شمال الرياض ونقضي بها عدة اوقات ثم نتجه الى النظيم لزيارة محل ابوريالين لاخذ بعض الحاجان المهمه وبعدها باذن الله نتجه الى العلياء حتى نشاهد برج الفيصليه والمملكه عن قرب ولا ندخل بها حفاظا على اموالنا وثرواتنا بعدها نعلن العوده الى النزل والف شكر لك على الموضوع وسوف نقوم بموافاتكم با الصور التي تم التقاطها با الرحله |
يازمان العجايب بالربع الخالي بهالحر ياسااااتر ههههههه
أنا أتكلم جد أختي فكر سامي حلو شكلها ديرتك أجل شمالي ونعم والله بأهل الشمال مافيه مخطط طيب غير حفر الباطن والقيصومه همس ماشاء الله الإجازه توها بدت كملتي نصها بالكويت حلوه مكه وجده والطايف تخطيط جيد وأوروبا كويس ليش لا |
الربع الخالي هااااااااااه
تدرين ان عقارب الاقارب ارحم من عقارب الربع الخالي يقولون ان العقرب كبر السياره واذا وجدن فريسه ماياكلنها يسحبنها با الجحر الى ان يحين فصل الشتاء يعني ياظل الياسمين روحي لمزرعتك اهون |
اقتباس:
جوله حلوه بس مافيه غير الرياض ؟ |
بعدين تعالووووووووو
ها الحين اذكانو مجموعه مشتركين في نادي رياضي او غيره با العاده تكون لهم رحلات جماعيه على حساب النادي صـــــــــح ياوليد ليش الاميره رهب ما تاخذ اعضائها برحله على حسابها هههههههههههه |
اقتباس:
ياخي انت اكوس واحد :d ان وافقوا يا زايد قولهم ترى معي رخصه عمومي خاف يبلشون من يسوق لهم الباص رخصه عمومي وعادي عندي بدون مكيف بس على شرط يروحون اكثر الاعضاء :d |
الساعة الآن 08:41AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية