خلق مني حكي مـريــم سنابل وإنبعث رجّــال=بعـد مارثــّـت ثيابـه سنيـن وقــَــل والـِــيـّــــه
تغرب جرب أشكال الظروف وعانق الترحـال=وصل حد الفشل وأدرك ضياعه فـي تواليـه
حكي مريم برى جرح ودفن حزن ورسم أطفال=رحم كل العطـاش المجدبـات وهـل وبليـه
جميله واعشق الصدفه الجميله واشكرالجمّـال=جمعنـا واتفـق كـل التـناقـض فـي مثاليـه
صراحه هالثلاثين العجـاف وهالثمـان ليـال=هجـير بـْــلا نواعِـسـك وشموخـك يالشماليـه
قبل تحريك اناملك اللطيفه كـان حالـي حـال=تعرفين اني كنت اسهر على ذكـراك ليليـه
أجنّ أتسائل أتفائل أخبرك فـي صميـم البـال=مصانه ما أود أخسـر وفـا وعيـون نجليـه
تعلقت بجدايل بحـر صخـر وجـرة المـوال=أدوّر لـك وعارضـت الهجينـي والهلاليـه
أحبك تدري شمعنى احبك ؟ شـي ماينقـال=هي الأكـثر ثـلاث احـرف مفاهيمـه خياليـه
أحب:يعني اذا خنتك عسى عمر الشقى لاطـال=أحب:يعنـي امشّيلـك قبائـل جـن رجلـيـه
لأن يا مريمي حبـي جنونـي قيسـوي هبـال=غيور مولعك مهمـا تكونـي ساعـه رمليـه
إذا طاح الغلا منك وودع صدرك إسترسـال=أعيـدك للطبيعـه واخلقـك صـوره جماليـه
أنا يا مريم أفضل لي أمـوت ولا أكـن تمثـال=حجر صامت كذا يجهل طريقـة حفـظ غاليـه
مضحّي وأدري دروبي طوال مخبيات أهـوال=طبيعي كل شي يهون لأجـل عيـون هوليـه
حـَيـَـت عِطش السنابل من حكت لي وأنقذت رجـّـال=بعـد مارثـّـت ثيابـه سنيـن وقـل واليـه