من جديدي . تستوي ولا عسها الفنا ماتستوي
تستوي . ولاٌ , عساى , ام الفنا , ماتستوي لاستوت وان ما ستوت ! ماتجمل كلها كلها سيان بين الضمي والمرتوي من طمع في دلها ماسلم من غلها هكذا الدنيا دهاليز درب ٍ ملتوي دلها في غلها وغلها في دلها تنهصر قدام عين الغرير المنتوي يتعب الرجال معها ولاٌ يأصلها في جلاده من صباحه وليلاه اسروي وفي كبد دايم وابد . في جهد ماملها وفي همايا سبع الارض تهوي به هوي ماتوحى في نذر خلها لعلها ماتهيا بالمناوي وليت وبالنوي كل فرصه تطعم الناس من صاع ٍ لها المطامع والمدامع تفيض ابها الروي والليالي كل ليله تعشى خلها والخناجر فالحناجر لها لوي وزوي والمواجع في المهاجع هذا طبع ٍ لها ما ومن من غدرها ألا الهبلي والغوي غرته دنيا , تضد البشر وتذلها شتتت شمل المواليف عثرا واعثوي = وفطٌرت خطَر هل العرف ياتب ٍ لها طبعها تودع اطوال اليماني ترعوي بعد قوه ترعوي والوطاه اتحلها سهم بقعا يودع الوجه يندا وادموي يتمثنا سترة القلب لين يشلها ما سلم منها هل الدار شاوي واقروي تغمد اسيوف العزاير كذا ! واتسلها يتبين راع العرف ولا ٌ ينزوي الحذر مارد بقعا ولا ٌ مهلٌها القوي الله ولاغير خالقنا قوي ورحمة الله هي شفا . النفس عما علٌها وفي نهار العرض والجوف جاي ٍ له دوي يالله انا في حجا مرحمتك وضلها انصحك وانا معك يالبناخي والخوي طاعة الله في شمام الامور افطن لها الصلاة ان كان للحق والدين اربوي صلها ياللي طمعك السلامه , صلها كان طابت سارت النفس في الدرب السوي وكان خابت داهم النفس ما يختلها بالسليقه اشبع القاف مانيب انحوي= اتخـــــــــــير بالاكاليل واقطف فلها مثل غيري اعطي الرأي واخذ واحتوي واترك ادقاق المناتيج واخذ جلٌها وفي خضم مخاصم المخطي اظهر ما انطوي دام في راسي حمايا .......... فانا واع ٍ لها يوم ,شذاب القفا, لاشــــــجاع ولا ٌ احموي ودك افتـــــح ( فايل ) الشرح ولا خــــــــلها قلتها وانـــــــــــــا اسعودي وسني وابدوي وباقي امــــــــــــوري على الله وعنده حلها |
اسلم يافهد اسلم
صح الله لسانك وصحيت وماتهون جزله ودسمه يافهد وابشرك انها استوت وماتكتب الا المستوي وصح الله لسانك تحياتي اخوك \ ابو صقر الشمري |
الغالي
الشاعر فهد بن حنس حياك الله بعد غياب وكل عام وانت بخير قصيده استمتعت بقرائتها من اول بيت الى اخر بيت وما اقول الا صح لسانك وعلا شانك ولا هنت تقبل تحياتي |
ابوصقر
اسعدني تواجدك واطلالتك بين ابياتي الف شكر |
سفير المعاني
تسلم لهذا المرور وتحياااا وتدوم وانت ياسفير المعاني منحت قصيدتي جواز الرقي باطلالتك |
[table1="width:95%;"] | [/table1]فهد بنحنس قصيده تحمل من العذوبه مايروي الذائقه تحياتي |
فهد بن حنس
صح ألسانك على الجزاله والشاعريه المتدفقه اشبعتنا شعراً تحياتي لكـــــ |
فهد بن حنس
صح ألسانك على الجزاله والشاعريه المتدفقه اشبعتنا شعراً شـكــ وبارك الله فيك ـــرا لك ... لك مني أجمل تحية . |
اخي عقاب
لاعقب عليك باس اسعدني اطلالتك |
اخي متعب
تسلم لهذا المرور العطر الذي يرتقي بالقصيده عاليا الف شكر |
الساعة الآن 02:45AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية